Scoil: Gleann Beithe

Suíomh:
Gleann Beithe, Co. Chiarraí
Múinteoir:
Nóra, Bean Uí Fhoghludha

Scag na scéalta

Taifeach: Íseal | Ard
Gleann Beithe | Bailiúchán na Scol

Tagairt Chartlainne

Bailiúchán na Scol, Imleabhar 0473, Leathanach 319

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

(ar lean ón leathanach roimhe)

Fuaradar tlúinín lín agus seiceal. Tógadar anuas ó'n lochta é. Tarraingheadar triotha é agus bhí sé an-mhín ansan.
Déanadar é sníomh le túirnín lín agus dheineadar snáth de.
Cuireadar do'n figheadóir é agus dhen sé éadach de.
Dathuigheadar le duileasc na gcloch-sin saghas rud a fhásann ar na carraigeachaibh.
Dath áluinn buidhe a thagann ó duileasc na gcloch.
Deireadh na sean daoine nuair a bhiodh an dath san ort na thaghadh na sidheóga ad'choinne.
Dathuigheadar leis an gcrann fhearna agus leis an gcrann cárthain é.
Beirbuigheadar na rudaí san agus chuireadar na h- éadaighe isteach ionnta.
Cuireadar luas i rothannaibh le píosaíbh ó chrann na fuinnseóige.
Nuair a bhiodh an fonnsaire ag obair, biodh maide giúise aige cun suidheáchán do dhéunamh, agus do dheineadh sé dabhacha donna leis an gcrann iubhair. Déanadar scatháin le fraoch corcra ó'n gcnoch. Gearradar craobhacha fraoic timcheall a dhá throig ar aoirde agus d'fágadar préumhacha fada ortha mar gaid.
Dainghineadar le córdaíbh iad. Chuadar chun an mbaile agus na scatháin ar a dhromaibh aca.

(leanann ar an chéad leathanach eile)
Bailitheoir
Nóra Ní Ríoghbhardáin
Inscne
baineann
Seoladh
Cill na mBreac Íochtarach, Co. Chiarraí
Faisnéiseoir
Seán O Riordáin
Inscne
fireann
Aois
75
Seoladh
An Curraichín, Co. Chiarraí
Teanga
Gaeilge