Scoil: Baile Uí Dhuibhne, Caisleán Ghriaire
- Suíomh:
- Baile Uí Dhuinn, Co. Chiarraí
- Múinteoir: Seán Ó Loingsigh
Tagairt chartlainne
Bailiúchán na Scol, Imleabhar 0429, Leathanach 041
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Scéalta ar na (mbrúchaibh) = Muirbhrúchaibh
Bhí fear ar an "dTír" fado, ba mhaith leis eirighe go moch gach maidean Domhnaigh, agus dul ar an Aifreann. Nuair 'thagadh sé abhaile thugadh sé tamall de'n lá ar failleacha na fairrge. Domhnach amháin agus é ar bharra faille, 'chonaic sé uaidh síos 'na suidhe ar chloich, an bhean ba bhreághtha dár luigh [?] súil duine riamh uirthi. Bhí ceann fionnruadh [?] gruaige uirthi, agus í ag cíoradh a cinn ar bharra cloiche. D'éalaig sé síos, agus nuair bhí sé a' dul in acmhair di, thug sé fé ndeara"brat draoidheachta" na tímpeall.
Do chualaidh sé go minic roimis sin mar gheall ar bhrúchaibh agus an brat céanna san. Phreab sé láithreach ar a bhairricíníbh agus seo leis leath-'s-tiar di agus d'eirigh leis teacht chómh cómhnarach san di, gur dh'fhéad [?] sé an brat draoigheachta do sciobadh dhi, a bhí tímpeall uirthi. D'fhéach sí i dtaobh thiar di féachaint cad do tharla dhi, agus nuair chonnaic sí cé bhí ann, níor [?] (fháiltuig) fáiltidh sí roimis, ná níor léig sí uirthi go raibh sochma aici roimis, ach chómh beag.
"Is mór é mo ghrádh dhuit", ar seisean léithi, "agus an dtiocfá liom agus me(leanann ar an chéad leathanach eile)
- Faisnéiseoir
- Míchéal Ó Fínn
- Inscne
- Fireann
- Aois
- 60
- Seoladh
- An Tír Uachtarach, Co. Chiarraí
