Scoil: Cluain Chumhra (uimhir rolla 15660)

Suíomh:
Cluain Chortha, Co. Chiarraí
Múinteoir:
Seán Ó Súilleabháin
Brabhsáil
Bailiúchán na Scol, Imleabhar 0426, Leathanach 097

Tagairt chartlainne

Bailiúchán na Scol, Imleabhar 0426, Leathanach 097

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: Cluain Chumhra
  2. XML Leathanach 097
  3. XML “Bean Feasa”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Bhí táiliúir ag obair againn sa tsean-tigh thuas lá. Tá tamall maith de bhlianta ó shoin anois ann. Ghaibh bean siubhail isteach agus ní fada bhí sí istig nuair a thosnuig sí ar an seanabhean mar gheall ar rudaí bhí á dhéanamh aice nár ceart di. An uair sin nuair a bhíodh na mná ag déanamh Steaimpí seadh deinidís an stairs agus chuiridís i dtaisge annsan é go mbíodh gnó dho. Dhírig an bean-siúbhail uirthe i dtaobh stairs ins na cupáin go léir nách mór ar an ndrosar rud nár cheart, gur chórtha go mór iad dh'fholamhú agus gan "daoine" eile bheith cráidhte aice féin agus a cuid stairse.
    Le na linn sin dhein an táiliúir casachtach. D'iompuig sí air sin agus dubhairt gur chasachtach dhúthchais a bhí aige agus ná déanfadh sí aon díoghbháil go deó dhó. Nuair a chuaidh gaoth-an-fhocail tímcheall agus nuair a braitheadh an spórt bhí na cómharsain ag bailiú isteach go mór na mná. Agus tar éis tamaill dhéin duine des na mná casachtach. "Tá casachtach ortsa leis," ar sise "Agus b'fhearra dhuit feuchaint chuige in am agus ní fada uait an leigheas - luibh-na-coise-duibhe (is dóig lem' mháthair gur b'é raithneach na coise duibhe a bhíonn ag fás ar sheana fhallaí, a bhí á rádh aice). Chuir bean eile casachtach bheag aiste má seadh d'iompuig an bhean siúbhail uirthe agus dubhairt ná raibh leigheas na lusar ann a dhéanfadh aon mhaitheas di, ach gur sheana- phlaincéad stracaithe a bhí uirthe ar an leabaidh agus í ag spáráil an chinn nuadh agus gur mhithid di an seana-cheann stracaithe do caitheamh uaithe.
    D'iompuigh sí ar an sean bhean airís agus a dubhairt "Á muise is maith mar a dubhraís é an tráthnóna úd a doirteadh an leamhnach aige béal-doiris tigh-na-mbó," Agus is mó sgórnach tirim a bhí
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Teanga
    Gaeilge