Scoil: Cluain Chumhra (uimhir rolla 15660)

Ar an leathanach seo

1. Páirc na Raithní

   

   Roinn Roinn Postáil

   Bhí beirt chómharsan ar an mbaile seo fadó & bhídís riamh in araid le chéile. Thug duine acu an leabhar go mbeadh anam an darna duine aige. Bhí an sgéal go maith nó gur bhuail an bheirt le chéile tráthnóna deirineach samhraid i bpáirc mhóir raithnighe. "Seadh" arsa'n buaileam sgiath "tá'n tú agam anois & ar m'anam gur mé an sagart uadachta beidh ort" leis sin bhuail sé buile mharbhthach ar a chómharsain sa cheann & dhein dá leath dá cheann & d'fhág sé marbh, fuar-marbh é. Ach nuair a chonnaic sé an díogbhail déanta aige, rug sé ar an gcorp & chuir sé go doimhin i dtalamh é & chlúdaidh air & chlúdaidh an paiste annsan le raithnig. "Seadh" ar seisean "anois ní sgéithfidh an saoghal orm mara sgéithfidh an raithneach & ní baoghal go labhrafidh sí sin". Siúd abhaile leis & pé súil fhéachaint a thug sé na dhiaidh cad a chífeadh sé ar an mbóthar na dheamhaig ach gas mór fada raithnighe. Chuir sé sa tsiubhal a bhfearr a bhí aige go mbain sé a thigh féin amach. Ach má seadh siúd isteach leis an raithnig chómh maith& líon an tig suas do raithnig. Chuaidh sé a choladh ach líon an leabaidh le raithnig & bhí sí á mhúchadh - bhí sí thíos fé & anuas air. Nuair d'éirig sé ar maidean láir na mháireach níor dhéin sé aon stad gur bhain sé amach an Chóbh & chuaidh sé ar bhórd árthaigh ar a slíghe go 'Meirceá ag teicheadh ó'n raithnig ach níor thúisge é féin san árthach ná an raithneach.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0780: The Singing Bone

   Teanga

   Gaeilge

   Bailitheoir

   Muiris Mac Gearailt

   Inscne

   Fireann

   Seoladh

   Cluain Chortha, Co. Chiarraí