Do bhí bean ag dul go Tráighlí agus do chuaidh sí isteach sa carráiste. Do bhí fear istigh roimpe. Nuair a thosnuigh an traen ag gluaiseacht do thóg an fear a phíp amach agus do dhearg sé é. Níor mhaith leis an mhnaoí é sin do chuaidh sí cuige agus shnap si an phíp ón bhfear agus amach an fhuinneóg leis. Do bhí an fear ar dearg buile agus do shnap sé an madrín a bhí ag an mnaoí, agus amach an fhuinneóg leis indiaidh an phípe. Do bhí an beirt acu ar dearg buile annsan. Nuair a sroiseadar Tráighlí bhíodar ag dul cun cainnte le fear an stáisiúin nuair a fhéachadar ar ais agus cad a connachadar ach an madrín agus an phíp 'na bhéal aige ag teacht suas an bóthar iarainn.