Do bhí fear ann fadó agus do théigheadh sé go dtí Tráighlí go minic. Aon lá amháin do chuaidh sé go Tráighlí. Lá aonaigh a bhí ann.
Sa tráthnóna nuair do bhí sé ag teacht
abhaile bhí sé leath ar meisge. Do bhuail sé le fear in-aice le Abha na Sgáil agus do dhein se socrú leis é thabhairt go dtí an Daingean ar leat-coróinn. Ní thabharfadh an fear an airgead do go shroisfeadh sé an Daingean. Nuair a srois sé an Daingean ní dhíolfadh sé an leath-coróinn. Níor dhein an fear aon rud ach é do caitheamh ar a dhrom, agus Sraid Eóin amach arís leis. Nuair a bhí sé imighthe tamall maith de'n bóthar do tháinig eagla ar an bhfear agus do thug sé an t-airgead do. Do chas sé ar ais leis agus thug sé leis go dtí an Daingean é.