Scoil: An Bloscaod Mór
- Suíomh:
- An Blascaod Mór, Co. Chiarraí
- Múinteoir: Máire Nic Gearailt
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)D'imthig sí abhaile go meidhreach, agus d'eachtraig sí a scéal dho. Dubhairt sé go raghadh sé ann chun í a shásamh pé scéal é.
D'imthigheadar agus chaitheadar sos oidhche a ghlacadh sar a dtángadar go dtí an lochán. Treabhadar leó. Nigh sé a shúile ins an lochán agus chonnaic sé beagán gealais. An dara lá b'feárr ná san é, agus fé'n dtreas lá bhí sé chómh maith a's a bhí riamh. Cad é áthas a bhí ar an mbeirt acu! Ní raibh innsint scéil air.
Ní raibh sé féin sásta annsan gan iarracht a dhéanamh ar imtheacht ó'n gcoill. Bhíodar ag siubhal rómpa go dtí go dtángadar go dtí cúirt mór.
"O is deallramhthach le cúirt m'athar í," ars an bhean. "Triailfhimíd í pé scéal é agus is cuma linn."
Thángadar go doras na cúirte. Bhí cuma an uaignis ar gach áit. Cá raibh a mná coimhdeachta? Cá raibh a hathair a chuireadh fáilte roimpe fadó? Bhí sé istig na sheómra a's is maith a chonnaic sí é. Bhí a cheann fé agus é ag gol.
Seadh, d'fág sí an fear ag an ngeata a's b'siúd isteach í. Anáirde léi chun a seómra féin. Bhí an glas 'san eochair mar d'fág sí iad. Gléas sí suas í féin agus chaith di na giobail, mar bhíodar uirthi go h-aindhis. Tháinig sí isteach cúl doras ar a hathair. Chuala sí ag osnaighil é.
"O níor cheart é d'agairt uirthi, níor cheart," adeireadh sé.(leanann ar an chéad leathanach eile)- Faisnéiseoir
- Míceál Ó Guithín
- Inscne
- Fireann
- Seoladh
- An Blascaod Mór, Co. Chiarraí