Scoil: Driseachán (uimhir rolla 16647)

Ar an leathanach seo

1. Scéalta

   “Bhí fear ann fadó agus bhí ahair an-naomhtha agus máthair an-droch-mhúinte aige.”

   

   Roinn Roinn Postáil

   Bhí fear ann fadó agus bhí athair an-naomhtha agus máthair an-droch-mhúinte aige. Nuair a cailleadh an t-athair bhí lá a churtha an-gharbh agus is ar éigin a b'fhéidir leó é a chur i n-aon chor. Nuair a cailleadh an mháthair bhí na laethe go h-an-bhreágh agus an grian ag sgalladh go soilseach. Nuair a bhíodar beirt curtha ag an mac dubhairt sé leis féin go gcaithfead sé ughdar fhághail cé'n fáth a raibh lá breágh ag a mháthair agus chomh dona is bhí sí agus lá garbh ag a athair agus chomh maith is bhí sé.

   Lá amháin d'imthigh sé leis agus nuair a bhí an oidhche ag teacht chuaidh sé isteach a dteach leis an oidhche a chaitheamh ann. Bhí fáilte mhór sa teach sin roimhe agus nuair a bhí siad sgathamh ag cainnt ar an saoghal d'fhiafruigh siad de cá raibh sé ag dul agus d'innis sé dóibh.
   "Muise," adeir siad, "ó thárla go bhfuil tú ag dul an bealach cuir bun cé'n fáth a bhfuil báisteach anuas i gcómhnuidhe sa teach seo 'réis go bhfuil seacht gcóta tuigheadh curtha againn air."
   "Tá go maith," arsa an buachaill.

   Nuair a tháinig an mhaidean bhí sé i n-a shuidhe go moch agus d'imthigh leis arís. Nuair a bhí an oidhche ag teacht chuaidh sé isteach a dteach eile agus bhí fáilte roimhe. Nuair a d'innis sé dóibh cá raibh a thriall dubhairt siad leis gur gréasuidhthe a bhí ionnta agus go raibh siad ag obair go cruaidh ó Luan go Satharn agus gur cinn ortha cúl dhá pingin a chur le

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0461: Three Hairs from the Devil's Beard

   Teanga

   Gaeilge

   Bailitheoir

   Liam Ó hAllmhuráin

   Inscne

   Fireann

   Aois

   16

   Seoladh

   Gleann Tréig, Co. na Gaillimhe