Scoil: Seanafarachán (uimhir rolla 12646)

Suíomh:
Seanadh Farracháin, Co. na Gaillimhe
Múinteoir:
Seán Mac An Ríogh

Scag na scéalta

Taifeach: Íseal | Ard
Caisleán an Bharraigh

Tagairt Chartlainne

Bailiúchán na Scol, Imleabhar 0074, Leathanach 238

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

I
I gCaisleán a' Bharraigh seadh chodail mé aréir
Ar chodhladh na leabthan lé grádh geal mo chroidhe,
Ag cur mo láimh tharaim go bpógfainn a béal
Ní fhuair mé sa leabaidh acht na ballaí 's mé féin.
II
Is fada mé ag fuaidreamh ag cur tuairisc mo thighe
A thuairisc ní bhfuaireas i mbaile no i dtír
Nó go bhfacthas an stuadh bhean ar thaobh cnuic 'na suidhe
Is a cúilín donn gruaige ag fuaidreamh le gaoith.
III
“Muise a Sheáin an bhfuil tú sásta le Máire maicroidhe? (mar mhnaoi?)”
“O tuige nach mbéinn sásta le ghrádh geal mo chroidhe,
“Níl teach agam, níl stábla agam agus níl áit thiubhrainn í
Agus muna bhfuil fágtha acht céad slán do'n am sin a bhí?”
IV
Tá mo theaichín ar an árdan is a dhá cheann sa ghaoith
Tá'n bháisteach isteach ann, is an tuile teacht faoi,
Tá mo laoighín ag géimneach is mo bhó ar a cíb
Acht cibé áit a bhfuil mo stóirín i dtighe an ósta tá mo mhian.
V
Sé dubhairt mo mhuinntir liomsa a leigeann do'n ól
Teacht suas ar barra cáithte is ar uisce an mhoill mhóir
Acht a chómharsana dílse ní mairfinn mí beó
Gan gloine bheith in ghach láimh liom 's mé go síorraidhe ag ól.

(leanann ar an chéad leathanach eile)
Bailitheoir
Cáit Seóighe
Inscne
baineann
Aois
15
Faisnéiseoir
(ní thugtar ainm)
Gaol
tuismitheoir
Inscne
baineann
Teanga
Gaeilge