Scoil: Seanafarachán (uimhir rolla 12646)

Suíomh:
Seanadh Farracháin, Co. na Gaillimhe
Múinteoir:
Seán Mac An Ríogh
Brabhsáil
Bailiúchán na Scol, Imleabhar 0074, Leathanach 136

Tagairt chartlainne

Bailiúchán na Scol, Imleabhar 0074, Leathanach 136

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: Seanafarachán
  2. XML Leathanach 136
  3. XML “Bó na Sióg”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Bó na Sidheóg
    ------------
    Bhí fear bocht ann fadó agus ní raibh aige acht aon bhó amháin. Bhí go maith agus ní raibh go dona. Ní fada go bhfuair an bhó bás acht d'fhág sí laogh óg 'na diaidh. Cheangail an fear an laogh ar chuaille amuigh sa ngarraidh. Thug sé fá deara go raibh an laog ag ath 's ag méadhadh 's gan aon deór bhainne le fáil aige.
    Maidin amháin d'eirigh an inghin ba shine roimh eirig na gréine. Céard a d'feicfeadh sí acht an bhó ag tabhairt dhiúbhal do'n laoi. Glaodh sí ar a hathair agus dubhairt sí leis eirighe. Bhí go maith. D'eirigh an t-athair agus chuaidh sé amach acht bhí an bhó imthighthe. “Mo choinnsias, a chailín, ar seisean ní imtheóchaidh tú chómh h-éasgaidh anbárach! Maidin lae ar na bhárach, bhí sé ina shuidhe roimh eirighe gréine. Chuaidh sé amach agus bhí an bhó sa gharraidh. Rith sé i ngan fhios (dí) agus rug sé greim rubaill uirthí. Rith an bhó agus seisean in a diaidh. Bhí siad ag imtheacht leobh mar sin nó go dtáinig siad ag bord aille. Tháinig faitchios ar an bhfear agus sgaol sé a ghreim. “Is cuma liom anois” ar seisean “beo no marbh acht coingbheochaidh mé mo ghreim anbárach.”
    Bhí go maith. Rinne sé an cleas céadna an triomhadh maidin. Congbhigh sé a ghreim no go dtáinig sé ar bhord na haille acht bhí an aill chómh réidh le talamh bán. D'imthigh sí léithe no go dtáinig sí isteach sa lios. Teach mór fada a bí sa lios agus doras ins an mbinn. Bhí sé déanta ins an seomra leis suas. Choingbhigh sé a ghreim ar an mbuin agus chuaidh an bhó léithe suas i gceann a' tighe san áit a mbíodh sí ceangailte i gcómhnaidhe. Ag doras an tseomra bhí fir ceirde in a suidhe agus iad ag cur fáilte roimhe in a ainm agus a shloinne agus gan fhios aigesean cérbh iad. Ní bhíonn aon tóir ag na sidheógaibh ar easgainí agus thosuigh sé go raibh
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Teanga
    Gaeilge
    Bailitheoir
    Séamus Seoighe
    Inscne
    Fireann
    Seoladh
    Seanadh Farracháin, Co. na Gaillimhe
    Faisnéiseoir
    Sean Seoighe
    Gaol
    Tuismitheoir
    Inscne
    Fireann
    Aois
    40
    Seoladh
    Seanadh Farracháin, Co. na Gaillimhe