Scoil: An Druim (uimhir rolla 13528)

Suíomh:
An Droim, Co. na Gaillimhe
Múinteoir:
Micheál Ó Concheanainn

Scag na scéalta

Taifeach: Íseal | Ard
Féilí na Bliana - Oíche Shamhna

Tagairt Chartlainne

Bailiúchán na Scol, Imleabhar 0071, Leathanach 054

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Oidhche Shamhna
Tagann Oidhche Shamhna ar an oidhche dheireannach de Dheireadh Fóghmhair. Is gnáthach le gach duine cleas eicínt a dhéanamh an oidhche sin. Sí Oidhche Shamhna an chéad oidhche a dtosuigheann na sidheóga ag imtheacht. Milleann siad gach rud dá mbíonn ag fás sa Samhradh agus sa bhFóghmhar agus nach gcuirtear chor ar bith. Bíonn go leór cleasanna ar siubhal ins na tighthe an oidhche sin:-

1. Líontar suas cíléar le h-uisce. Caithtear ubhla síos ann. An té a bheireas ar an ubhla le na bhéal beidh sé aige. Bíonn a t-ubhla ag snámh i mbarr an uisce agus ní féidir breith air nó go gcuirfidh tú síos go tóin an chíléir é. Is minic nuair a fáightear do chloigeann síos ann go mbrúighfar síos tuile é.
2. Ceangluightear ubhla ar tháirngne freisean. Bíonn an táirngne daingne i mullach an tighe agus ruadhóg ceangluighthe ar an táirngne thuas agus ar an ubhla thíos. An té bheireas ar an ubhla le na bhéal beidh sé aige.
3. Fáightear trí fó-chupán. Cuirtear uisce salach i gceann acu, uisce glan i gceann eile agus sa triomhadh ceann cuirtear créafóg. Cuirtear púicín ar dhuine agus má chuireann sé a lámh san uisce salach beidh baintreabhach aige, má chuireann sé a lámh san uisce glan bean óg a bheidheas aige, agus más sa gcréafóg a chuirfeas sé é caillfear é.
4. Faightear bun gabáiste. Déantar poll treasna fríd ar a fhad. Bíonn an bun follamh istigh ann.

(leanann ar an chéad leathanach eile)
Teanga
Gaeilge