Scoil: Leath-bhaile

Ar an leathanach seo

1. Oíche Shamhna

   

   Roinn Roinn Postáil

   Bíonn oidhche Shamhna againn an t-aonmhadh lá déag is fiche de dheireadh foghmhair. Bíonn spóirt ag an aos óg an oidhchesin ag imirt cleasanna. Seo cleas a imrightear. Líontar báisín le uisge agus cuirtear ubhall síos ann. Deanann gach páiste iarracht breith air le n-a bhéal gan lámh a leagan air. Má eirigheann le aoinne sin a dheanamh bíonn an t-ubhall aige dhó féin mar duais. Seo mar a imrightear cleas eile, fágtar trí fó-chupáin ar an mbord agus cuirtear uisge glan i gceann acu, uisge salach i gceann eile agus fágtar an ceann eile falamh. Cuirtear dallamullóg ar dhuine ansin agus iarrtar air a lámh a chur i gceann de na fó-chupáin. Má chuireann sé a lámh sa gceann in a bhfuil an t-uisge glan beidh céile maith aige. Má chuireann sé a lámh sa gceann in a bhfuil an t-uisge salach gheobhfaidh sé droch-chéile, agus má’s sa gceann a bhfuil falamh ní pósfar é ar chor ar bith i rith na bliadna. Bhí na cleasa seo ag na sean-daoine nuair a bhíodar óg. Dheanfadh gach clann cathal oidhche Shamhna, sé sin dheanfadh siad fataí a phíleáil agus a mbruith agus iad a mbrughadh le bata. D’íosfadh siad na fataí bruighte le im agus bainne. An t-é nach mbeadh im ná bainne aige thuibhradh an t-é a mbeadh im agus bainne aige chuid dhe do’n duine a mbeadh falamh. Ní íosfadh siad aon scitheóirí ó oidhche Shamhna

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. ócáidí
      1. ócáidí (de réir trátha bliana) (~11,476)
         1. Oíche Shamhna (~934)

   Teanga

   Gaeilge

   Bailitheoir

   Domhall Pléamonn

   Inscne

   Fireann

   Seoladh

   An Cartún, Co. na Gaillimhe

   Faisnéiseoir

   Domhnall Pléamonn

   Gaol

   Seantuismitheoir

   Inscne

   Fireann

   Aois

   80