Scoil: Fearainn an Choirce (uimhir rolla 14532)

Ar an leathanach seo

1. Áitainmneacha

   

   Roinn Roinn Postáil

   Áit-ainmneacha

   I bhfeilm mo mhuinntire i Mainistir i mbaile fearainn Eochalla, tá na h-áit-ainmneacha seo le fághail:-

   An Bulláinín
   Mar gheall ar go bhfuil bulláinín mar thobar i-n-a lár ar a dtugtar Tobar Cíaráin.

   An Átharla
   Tá áit eile ó's cionn na fairrge ar a dtugtar an Átharla. Tá sé ráidhte go bhfuil naoimh curtha ann, agus an naomh deirdheanach a cuireadh ann fuair sé bás i gCuan an fhóid dhuibh. Thug sé ordughadh é a chur ins an áit seo ar a dtugtar An Átharla.

   Tá áit i Mainistir ar a dtugtar Craig na m-Bádóirí mar gheall ar fhuirinn báid a bheith ann ar feadh oidhche, mar briseadh an bád a bhí siad innte thíos fá'n creig insan gcladach. Chonnaic muinntir an bhaile na fir ar maidin, agus tugtar Craig na m-Bádóirí ó shoin air. Tá áit idir Mainistir agus Cillrónáin ar a dtugtar Poll na Marbh, mar bhí troid ann fadó, agus marbhuigheadh cuid mhór fear ann, agus tá siad curtha ann. Tá a gcuid cnámh le feiceáil ann fós. Tá áit ó thuaidh de Chéibh Chillrónáin ar a dtugtar tráigh na bhFrancach. Tháinig na Francaigh i dtír ann fadó i mbád, agus bhí ancairí na mbád le feiceáil ann nó go dtí le gairid. Ó thuaidh de arís tá áit ar a dtugtar An Bhean Bháidhte mar tháinig corp mná báidhte i dtír ann fadó. Tá an t-ainm sin air coidhche ó shoin. Tuairim is

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. áit-spás-timpeallacht
      1. seanchas áitiúil, dinnseanchas (~10,595)

   Teanga

   Gaeilge

   Suíomh

   Eochaill, Co. na Gaillimhe

   Bailitheoir

   Caitlín Ní Chonghaile

   Inscne

   Baineann

   Seoladh

   Eochaill, Co. na Gaillimhe

   Faisnéiseoir

   Seán Ó Conghaile

   Inscne

   Fireann

   Seoladh

   Eochaill, Co. na Gaillimhe