Scoil: Fearainn an Choirce (uimhir rolla 14532)

Suíomh:
Fearann an Choirce, Co. na Gaillimhe
Múinteoir:
Seán Ó Maoldhomnaigh

Scag na scéalta

Taifeach: Íseal | Ard
Seancheirdeanna

Tagairt Chartlainne

Bailiúchán na Scol, Imleabhar 0001, Leathanach 167

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

insan tsean aimsir bhítí ag fágáil le bairrlí geire faoi thíp. Bhítí dá leaghadh agus dhá dhóirteadh tríd múnla ag déanamh coinneal dhá n-úsáid féin, agus is ar Gaillimh a gheibhidís an múnla. Bítí ag déanamh ciseóg, ciseán, cliabh, agus cliabhán de shailig san tsean aimsir. Déantaoi mopaí agus ruighistag de thuighe. is é an úsáid atá i mobaíbh le cur faoi leapaidh nó le dóirse leis an ghaoith a choinneál amach. Déantaoi rópaí agus gadracha maoil ó'fhionadhach agus ruainne capall. Bhí dhá ghréasaidhe ann, agus bhíodh siad ag deasughadh bróg. Ba iad na h-ainmneacha a bhí ortha Mícheal ó Maoláin ar baile na Creige agus Baistle Mac Cuaig ar Cillmhuirbhigh. Bhíodh corr-dhuine ag baint sedheanna ar fíaghachaibh; dhá leaghadh ag déanamh solair dóibh i-n-áit lampaí. Bhíodh an ola istigh aca de phíosa de cheirt. Déantaoi tornóga agus dóightí ceilpe san t-sean-aimsir níos anpóitighe ná mar déantar anois é. Nuair a bhíodh slam dóighte de'n tornáig chaithfeadh seisean fear í a shughadh le racaibh iarrainn i-n-éadan chuile sé uair a chluig. Dhá tosuighídís leis an lá chaithidís fhanacht amuigh ar feadh na h-oidhche go dtí tráthnóna lár na bhárnach. Bhíodh suas le sé thona san tornóig sin. Bhíodh gach aon chloch de'n cheilp chomh mór le cúig céad mheadhchanaibh. Ní ionann mar tá sé anois, dáightear i-n-a luaithí. Bítí ag dághadh móna agus cloichi g-cuid de'r na tornágaibh agus ag déanamh doil. Bhí dhá ghabhainn insan áit, agus bhídís ag déanamh ipochanna, lúbhanna, tluaighthe, cruidhthe, ancaipí, crúacaí agus geataí iarainn. Ba iad na h-ainmneacha a bhí ortha, colm con Ríogh ar Fearann an Choirce Éomonn ó

(leanann ar an chéad leathanach eile)
Bailitheoir
Máire Ní Fhlaithbhearta
Inscne
baineann
Seoladh
Fearann an Choirce, Co. na Gaillimhe
Faisnéiseoir
Pádraig Ó Flaithbhearta
Gaol
tuismitheoir
Inscne
fireann
Seoladh
Fearann an Choirce, Co. na Gaillimhe
Teanga
Gaeilge