Scoil: Fearainn an Choirce (uimhir rolla 14532)

Suíomh:
Fearann an Choirce, Co. na Gaillimhe
Múinteoir:
Seán Ó Maoldhomnaigh

Scag na scéalta

Taifeach: Íseal | Ard
Scéal Grinn

Tagairt Chartlainne

Bailiúchán na Scol, Imleabhar 0001, Leathanach 126

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Scéal Grinn

Bhí beirt dhearbhráthar ann fadó, dearbhráthair saibhir agus dearbháthair bocht. Ní raibh aon rud ag an dearbhráthair bocht acht a bheith ag dul ag an gcoill ag baint ádhmad le teine a dhéanamh, agus thugadh sé ualach ádhmaid abhaile chuile tráthnóna ar mhúille. Lá amháin a bhí sé ag baint ádhmaid san gcoill, dhorthuigh an spéir suas agus tháinig múr, agus chuaidh sé ar fascadh faoi chrann. Chonaic sé sluagh daoine ag teacht tríd an spéir, agus cuma gadaidhe ortha. Bhí fear aca amach idtosach ar an mhuinntir eile, agus tháinig síad go dtí aill, agus dubhairt siad leis an aill "Oscail"! agus d'oscaill an aill, agus dhúin sí aríst i-n-a ndiaidh. Nuair a bhí siad tamall istigh dubhairt siad an focal céadhna aríst agus d'oscail an aill, agus d'imthigheadar leo. Bhí an fear bocht ag éisteacht leo. Annsin, nuair a bhí siad imthighthe chuaidh sé go dtí an aill agus dubhairt sé an focal a dubhairt na fir eile. D'oscail an aill agus chuaidh sé isteach. Bhí an áit istigh go h-áluinn, agus bhí sé lán d'ór agus de chuile rud dá fheabhas. Fuair sé mála, agus líon sé d'ór é an méid a bhí sé indon iomchar. Annsin nuair a bhí sé réidh le n-imtheacht dubhairt sé "Oscail"! agus d'oscail an aill. Thug sé leis an mála óir, agus thug sé é go dtí an áit a raibh an carr agus an múille fághtha. Chuir sé sa gcarr an mála óir, agus chuir sé an t-ádhmad ós a chionn gur thug sé ag a mhnaoi é. Bhí an-áthas ar an mbean, acht dubhairt an fear léi gan labhairt air. Lá ar na bhárach chuaidh bean an dearbhráthar bhoicht ag bean an dearbhráthar shaibhir ag iarraidh soithigh leis an t-ór a thómhais. Bhí bean an dearbhráthar

(leanann ar an chéad leathanach eile)
Bailitheoir
Tomás Ó hIarnáin
Inscne
fireann
Seoladh
Cill Mhuirbhigh, Co. na Gaillimhe
Faisnéiseoir
Bairtle Ó hIarnáin
Gaol
tuismitheoir
Inscne
fireann
Seoladh
Cill Mhuirbhigh, Co. na Gaillimhe
Teanga
Gaeilge