Scoil: Loch Con Uidhre (Lochán Iarthach)

Suíomh:
Loch Conaortha, Co. na Gaillimhe
Múinteoir:
Mícheál Mac Aodhgáin

Scag na scéalta

Taifeach: Íseal | Ard

Tagairt Chartlainne

Bailiúchán na Scol, Imleabhar 0008, Leathanach 079

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Bhí Rí in Éirinn fadó agus ní raibh sé i bhfad pósta nuair a fuair a mhnaoi bás agus bhí seisear páistibh fágtha ina diaidh aice.
Ba ghearr aríst gur phós an Rí agus bhí an leas mháthair an-lághach leis na páistí. Bhídís ag bualadh báire go minic.
Lá amháin bhí an leas mháthair agus na páistí ag bualadh liathróid binne.
Ba ghearr go ndeacha éan órdha thart. Chaith an mac ba shine maide leis an n-éan agus bhain sé cleite as a sgiatháin. Nuair a thóg sé an cleite agus bhí solus ag teacht as chomh soilseach leis an ngrian. Thug sé isteach an cleite ag a leas mháthair. Nuair a chonaic sí an cleite d'fhiafruigh sí de cé bhfuair sé an cleite agus dubhairt sé gur éan a chuaidh thart agus gur chaith sé a mhaide léíthe agus gur bhain sé an cleite sin aiste.
Ansin dubhairt an leas mháthair "Cuirim faoi gheasa thú gan an dara oidhche codladh ar do leabaidh gan an dara béile ithe gan mhéis nó go dtugadh tú an t-éan sin chugam".

(leanann ar an chéad leathanach eile)
Bailitheoir
Colm Seoighe
Inscne
fireann
Teanga
Gaeilge