Scoil: Loch Con Uidhre (Lochán Iarthach)

Suíomh:
Loch Conaortha, Co. na Gaillimhe
Múinteoir:
Mícheál Mac Aodhgáin

Scag na scéalta

Taifeach: Íseal | Ard

Tagairt Chartlainne

Bailiúchán na Scol, Imleabhar 0008, Leathanach 056

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Lá amháin bhí saighdiúirí ag toruigheacht Íosa is bhíodar ag teacht suas leis, is ní raibh aon áit le dul aige ach isteach i mbolg gabhair a bhí ar an sliabh.
Nuair a d'airigh an gabhar É thosuigh sí ag méidhleach is ag imtheacht fíadháin.
Bhí fhios ag na saighdiúirí gur i mbolg an ghabhair bhí Íosa is lean siad an gabhar is sheas an gabhar gur rug siad uirthi. D'imthigh Íosa i ngan fhios do na saighdiúirí is chuaigh sé i mbolg na caorach. Luighe an chaora síos is thosaigh sí ag cangailt a círe is ní raibh fhios ag na saighdiúirí cé raibh Íosa is caitheadh ar an tóir tabhairt suas.
Bhíodh olann deas bhog ar an ngabhar an t-am sin is bhí fionnadh fada fíadháin ar an gcaora, ach d'athruigh Íosa é an t-am seo is chuir sé olann ar an gcaora is fionnadh ar an ngabhar is is mar sin atáid go dtí an lá indiú.

Bailitheoir
Máire Ní Bríain
Inscne
baineann
Teanga
Gaeilge