Scoil: Eoghanacht (uimhir rolla 12342)

Ar an leathanach seo

1. Píolótaí na hÁite seo

   

   Roinn Roinn Postáil

   Píolóitidhe na h-áite seo
   Bhíodh soithigh ag tigheact an-fairsing fadó go Gaillimh; soithigh seóil uilig - acht chuadar in deireadh go mór timcheall dhá fhichead bliadain ó soin nó mar sin. Badh bhreágh na soithigh iad agus badh deas an feic iad, scúnaerí, barcanna, longa a mbíodh seacht seól fichead ortha, brigeanna dhá chrann, sé seól ar chaon chrann ag seóldadh aniar thar an Oileán Iartharac agus a gcuid seólta crochta uilig. Bhí neart píolóitidhe san áit seo an t'am sin. Triúr no ceathrar sna bailtibh seo agus bhíodh coimhlinnt géar eatorra ag dul go dtí na soithigh. Bhí iallac ortha píolóitídhe a thógáil ó tiocfaide taobh istigh den Oileán Iartharach acht dá n'eirighead leó dhul thar Árainn san oidhche, óir is minic a théigheadh, bheadh píolóite beárna rómpa ar maidin go dtiubharfad sé ar ród na Gaillimhe iad. Cuala mé sean fhear a rádh a bhí ar bórd soithigh lá, brig a bhí innte, agus bhí an lá an-breágh. Ceangluigheadar an currach d'en soitheach, bhí sé 'na chalm, agus chuadar isteach sa soitheach ag breathnú uirthe. Ní raibh an caiptín acht bliadhain is fiche agus badh é an fear bádh bhreághtha a leagadar súil ariamh air é, gan onóir gan postamhlacht. Bhí an-fháilte ag an gcaiptín rómpa, thug sé íthe agus ól dóibh agus d'fiafruigh sé díobh an raibh aon phiolóitidhe eile san áit. Dubhradar-san go raibh agus triúr eile. Dúbhairt

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Brighid Ni Fhlannagáin

   Inscne

   Baineann

   Aois

   12

   Seoladh

   Eoghanacht, Co. na Gaillimhe

   Faisnéiseoir

   Seánín Taim Ó Direáin

   Inscne

   Fireann

   Aois

   66

   Gairmeacha beatha

   Feirmeoir

   Iascaire (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Sruthán, Co. na Gaillimhe