Scoil: Inis Oirthir (Inisheer) (uimhir rolla 13322)

Suíomh:
Inis Oírr, Co. na Gaillimhe
Múinteoir:
M. Ó Giolláin

Scag na scéalta

Taifeach: Íseal | Ard
An Mhaighdean Mhuire

Tagairt Chartlainne

Bailiúchán na Scol, Imleabhar 0001, Leathanach 385

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Bhí an Mhaighdean Mhuire agus Dia ag imtheacht lá agus chuaidh siad isteach i dteach a bhí ar thaobh an bhóthair agus bhí an cailín aimsire a bhí ins an dteach ag deanamh cáca agus d'iarr an Mhaighdean Mhuire píosa beag go'n taos a thabhairt di in onóir Dé. Dubhairt an cailín aimsire nach bhféadfadh sí é a thabhairt di mar nach raibh aicí ach an méid a bhí sí ag cur ins an gcáca. Dubhairt an Mhaighdean Mhuire léichí píosa beag a thabhairt dí féin. Thug an cailín aimsire píosa beag dí agus chuir an Mhaighdean Mhuire an píosa cáca ar an teine. Thosaigh an cáca ag méadú nó go raibh sé chomh mór le cáca ar bith. Ansin thosnaigh arbhur ag fás air. Tamall ina dhiaidh sin tháinig fear a' tighe isteach agus chonnaic sé an cáca a bhí ar an teine. D'iarr an fear ar an gcailín aimsire cé a chuir síos an cáca agus d'innis an cailín dó gurbh bean siubhail a tháinig isteach.
"D'iarr sí déirce orm in onóir Dé agus thug [?] me píosa beag cáca dí. Chuir sí ar an teine é agsu thosuigh sé ag méadú is ag méadú nó go raibh sé chomh mór le cáca ar bith. Annsin thosnuigh arbhur ag fás air. D'iarr an fear ar an gcailín aimsire an raibh an bhean i bhfad imithe agus dubhairt an cailín nach raibh.
"Meas tú an dtiocfaidh mé suas léithi."

(leanann ar an chéad leathanach eile)
Teanga
Gaeilge