Scoil: An Clochar i gCárna

Ar an leathanach seo

1. Mac an Rí

   

   Roinn Roinn Postáil

   Chuaigh mac Ríogh Éireann agus a dhearbhráthair amach ag fiadhach uair sa nGeimhreadh. Níor chas rud ar bith orra ach fiach dubh. Sgaoil mac an Ríogh urchar leis an bhfiach dubh, agus mharbhuigh sé é . Thuit an t-éan anuas ar an sneachta, agus bhí an sneachta dearg le-n a chuid fola. Nuair chonnaic an dearbhráthair an dath dearg ar an sneachta dubhairt sé nach bpósfadh sé bean ar bith go deo ach bean a mbeadh a cuid gruaige chomh dubh leis an bhfiach, agus a gruadha chomh dearg leis an bhfuil a bhí ar an sneachta.
   D'imthigh sé leis annsin agus bhí sé ag siubhal is ag siubhal gur thuit an oidhche air. Fá dheire chonnaci sé solas i bhfad uaidh. Tharraing sé air agus chonnaic sé go raibh an solas i dteach beag ar thaobh an bhóthair.
   Bhuail se ar an doras. Leig muinntir an tigh isteach é agus chuireadar céad míle fáilte roimhe. D'fhan sé leo an oidhche sin. Oidhche Dé Sathairn do b'eadh é. Nuair a d'éirigh sé ar maidin chuaidh sé féin agus muinntir an tigh go dtí an séipéal. Ar shroichint an séipéal dóibh bhí fear marbh in a luighe ag an doras. Nuair a bhí na daoine ag dul isteach sa séipéal bhuail gach duine aca cos ar an bhfear marbh. 'Cé'n fáth a bhfuilid ag déanamh sin?' a deir mac an Ríogh 'Níor íoc sé a fhiacha ' a deir na daoine agus fanfaidh sé annsin go n-íocfaidh duine éigin a fhiacha dhó'. 'Íocfaidh mise dhó iad' a deir mac an Ríogh.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0328: The Boy Steals the Giant's Treasure

   AT0505: Dead Man as Helper

   Teanga

   Gaeilge

   Bailitheoir

   Máire Ní Maoilciaráin

   Inscne

   Baineann

   Aois

   14

   Seoladh

   Roisín na Mainiach, Co. na Gaillimhe