Scoil: An Clochar i gCárna
- Suíomh:
- Carna, Co. na Gaillimhe
- Múinteoir: Siúracha na Trócaire
Tagairt chartlainne
Bailiúchán na Scol, Imleabhar 0011, Leathanach 428
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Ar an taobh theas de Choillín tá cnoc mór ard. Is an-deas an cnoc é agus tagann cuairteoirí gach Samhradh go Cárna agus caitheann siad an chuid is mó de na laethanta breágh thuas ar a bharr agus bíonn radharc breágh aca ar a lán áiteanna cuir i gcás Oileán M......., Oilean Naomh Mac Dara agus Cruach na Caoile. Má tá an lá go breágh d'fheicfeá na Bránndain i gCo. Chiarraighe agus ia galánta an radharc é. Ar an taobh eile de'n chnoc tá a lán páirceanna ina bhfástar fataí, coirce agus féar ionnta. Agus ar an taobh thíos arís de na páirceanna tá an uamhan thalmhan agus deirtear go bhfuil an cuimse óir agus airgid istigh innti. Níor cartadh ariamh í ach deireann lucht an t-seanchais nach bhfuil fios cé an méid atá innti.
Tá duine inann a dhul isteach innti ach mar sin féin ní leigeadh faitchíos d'aon duine a dhul isteach inniu le faitchíos nach mbeadh sé inann a theacht amach. Deireann cuid eile de na daoine gur saghas dún is eadh é a thóg na Lochlannaigh nuair a thángadar go h-Éirinn ar dtúis agus is ann a choinnigh siad a gcuid airm agus gunnaí agus an méid airgid a bhí aca. Níor cartadh ariamh í agus sílim nach gcartfar go deo.
- Bailitheoir
- Nóra Nic an Iomaire
- Inscne
- Baineann
- Aois
- 14
- Seoladh
- An Coillín, Co. na Gaillimhe
