1. dúchas.ie
  2. Bailiúchán na Scol
  3. An Clochar i gCárna

Scoil: An Clochar i gCárna

Suíomh:
Carna, Co. na Gaillimhe
Múinteoir:
Siúracha na Trócaire
Brabhsáil
Modh:
Bailiúchán na Scol, Imleabhar 0011, Leathanach 426

Tagairt chartlainne

Bailiúchán na Scol, Imleabhar 0011, Leathanach 426

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Clochar i gCárna
  2. XML Leathanach 426
  3. XML “An Gabha agus an Cheárta”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. An Gabha agus an Cheárta

    Roinn Roinn Postáil
    Tá suas le trí cheárta sa pharóiste. Siad na trí gaibhne gur leo iad ná Seán Mac Donnchadha ó Leitir ard?, Seosamh Mac Donnchadha ó Mhuighrus agus Peadar Ó Ceannabháin ó Chillchiaráin. Deirtear go raibh muinntir Seán Mac Donnchadha ina ngaibhne maithe agus is uatha a thug Seán an ghaibhneacht. Níor chualas go raibh muinntir na ndaoine eile 'na ngaibhne ach níl fhios agam b'fhéidir go raibh. Tá gach ceann aca ag leatthaoibh an bhóthair ach tá cros-bhóthar achar gearr ó phéire aca sé sin ó Ceann Muighruis agus ó Ceann Leitireard. Is ceann tuighe atá ar an trí cinn aca mar sílim gur b'in é an saghas ceann a bhíonns ar gach ceárta mór-thimcheall na h-áite seo ar chuma ar bith.
    Sean-doras a bhios ar an gceardtan agus ní bhíonn aon ghlas ach ar chuid aca. Bíonn dhá theaghlach mór agus teine istigh sa cheárta. Tugtar na builg ar an saghas rud a bhíos ag an ngabha chun an teine a shéideadh leis nuair a bhíonns deifir air. Ní dheintear san áit iad ach is amhlaidh a cheannuigheann na gaibhne iad sa siopa. Siad na h-uirlisí a bhíonn ag an ngabha ná casúr, tairní, iarainn, crúidhte agus uisge. Cuireann an gabha crúidhte fé chapaill agus fé asail ach níor chuala mé ariamh gabha a chuir crúdh ar bhó ná ar bhullán in mo cheanntair féin. Deineann an gabha a lán uirlisí a bhaineann le obair na talmhan cuir i gcás pící, tuaghanna agus corr-uair an tsluasaid. Rud eile an dheineann an gabha seadh boinn a chur ar rothaibh, agus deineann sé a lán geataí iarainn agus cuireann sé na spealtrachaibh i dtreo do na feirmeoirí chun an féar do bhaint. Suidheann an gabha go minic taobh amuigh fén aer.
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Stair Athraigh
    Topaicí
    1. gníomhaíochtaí
      1. gníomhaíochtaí eacnamaíocha
        1. gnó agus ceird (~4,680)
          1. gaibhneacht (~2,389)
    Teanga
    Gaeilge
    Bailitheoir
    Nóra Nic an Iomaire
    Inscne
    Baineann
    Aois
    14
    Seoladh
    An Coillín, Co. na Gaillimhe