Scoil: An Clochar i gCárna

Suíomh:
Carna, Co. na Gaillimhe
Múinteoir:
Siúracha na Trócaire
Brabhsáil
Bailiúchán na Scol, Imleabhar 0011, Leathanach 421

Tagairt chartlainne

Bailiúchán na Scol, Imleabhar 0011, Leathanach 421

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Clochar i gCárna
  2. XML Leathanach 421
  3. XML “An Drochshaol”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Le linn an droch-shaoghail sa mbliain 1845 cailleadh go leor daoine in mo cheanntar. Tá go leor díobh curtha sna sléibhte agus sna garrantaí. Is iomdha áit in mo cheanntar a bhfuil daoine curtha ann. Tá áit i Ruisín na Manach a dtugtar an 'Caorán air. Áit mhór is eadh é. Faoi sin tá daoine curtha a cailleadh ins an droch-shaoghal. Fadó na daoine a bhfuigheadh bás ní chuirtí i Roilig ar bith iad ach corr-dhuine. Is amhlaidh a chuirtí connradh ortha agus iad a chur sna garrantaí agus amanta eile ní chuirtí connradh ar bith ortha mar gheall is nach raibh luach na gclár ag na daoine. Is leis an droch-shaoghal a cailleadh na daoine.
    Nuair a loit na fataí ní raibh aon bhaidh aca le n-ithe agus ní raibh siad indan an plúr a cheannach.
    Bhí bliain eile ann ar a dtugtar 'Nineteen an tae dubh'. Sé an fáth a dtugtar an bhliain sin air mar ní raibh aon bhainne ag na beithidhigh nuair nach raibh an féar ann. Chaitheadh na daoine tae dubh a ól agus ó shoin amach tugtar 'Nineteen an tae dubh' air. In ionad an bhainne chuireadh na daoine min-choirce tríd an tae. An min-choirce a bhruith agus annsin é chur tríd an tae. Nuair a bhí na fataí ag fás tháinig an dubh ortha agus nuair a bhíodh siad ins na poill lobhadh siad. Bhíodh na daoine ag iarraidh fataí a choinneáil le h-aghaidh an chéad bhliain eile agus b'éigin dóibh iad a chur isteach sna tighthe. Nuair a theip ar na fataí b'éigin do mhuinntir na h-áite imtheacht go h-áiteacha eile.
    Tras-scríofa ag duine dár meitheal tras-scríbhneoirí deonacha.
    Topaicí
    1. am
      1. tréimhsí staire sonracha (~25)
        1. an gorta mór (~4,013)
    Teanga
    Gaeilge
    Bailitheoir
    Bairbre Ní Liodáin
    Inscne
    Baineann
    Aois
    12
    Seoladh
    Roisín na Mainiach, Co. na Gaillimhe