Scoil: An Clochar i gCárna

Ar an leathanach seo

1. Grabaire Beag Fhinn Mhic Chumhaill (ar lean)

   

   Roinn Roinn Postáil

   (ar lean ón leathanach roimhe)

   i riocht is go raibh áit fhada fhairsing aca ann. Annsin shocruigh Fionn isteach ann iad í féin agus a Grabaire, agus bhí teachín deas aca i lár an chrainn. Tháinig sé abhaile go h-Éirinn annsin go dtí an áit a raibh an chailleach ar stuaic an teampuill. Bhí sí beo ann ceart go leor nuair a tháinig sé leis an gcloigeann. 'Ó a deir sí leis 'a leithéid de cheann breagh is bhí air'. ' Tá sé in a cloigeann breagh a deir Fionn ach tá cúl-fhiacla grándha ann, agus tá siad ag cur mí-shlacht mór air'.Chrom an t-sean bhean anuas go bhfeicfeadh sí iad, ach nuair a bhreathnuigh sí siar 'na bhéal bhuail Fionn iarraidh de'n chloigeann uirri, agus d'ionnsuigh sí fein agus an cloigeann a chéile, nó gur mharbhuigh an cloigeann an t-sean -bhean. Ba í máthair an Ríogh mhóir an t-sean-bhean agus séard a bhí in a h-intinn aice .... ar Fionn fé geasa, é a chur chun báis sul a mharbhuigheadh sé a mac.
   Chuaidh Fionn abhaile go dtí a áit féin nuair a bhí an t-sean-bhean marbh aige. An teachín seo a bhí déanta sa gcrann do'n Ghrabaire is dá bhean, nuair a bhíodh aimsear bhreagh ann bhíodh sé lán le h-éin as na coillte, agus sé an obair is mó a bhíodh ar an mhnaoi 'á gcoinneáil ruaigthe amach as an teach. Lá amháin bhuail sí slat ar ceann aca agus mharbhuigh sí é. Éinín óg a bhí ann agus nuair a tháinig a mháthair fuair sí marbh roimpi é. Ní dhearna sí ach craoibhín glas a thógáil agus é a chur isteach i mbéal an éinín óig. Chomh luath is arinne sí sin, d'éirigh an t-éinín chomh breagh, sláinteamhail is bhí sé ariamh.
   Nuair a chonnaic bean an Ghrabaire sin, rug sí féin ar an gcraoibhín glas agus sháith sí isteach i mbéal an Ghrabaire é, agus d'éirigh sé in a bheatha arís. Sin é an uair a bhí ant-áthas air fein agus ar a mnaoi. Bhí sé arís in a gaisgidheach chomh maith, laidir is a bhí sé ariamh.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)
         1. Fianna (~595)

   Teanga

   Gaeilge

   Bailitheoir

   Nóra Nic an Iomaire

   Inscne

   Baineann

   Seoladh

   An Coillín, Co. na Gaillimhe

   Faisnéiseoir

   Tomás Mac an Iomaire

   Gaol

   Tuismitheoir

   Inscne

   Fireann

   Aois

   65

   Seoladh

   An Coillín, Co. na Gaillimhe