Scoil: An Clochar i gCárna

Ar an leathanach seo

1. Éadaí

   

   Roinn Roinn Postáil

   Tá túairim is ceathrar táilliúir sa pharróiste anois. Sa mbaile in a dtíghte féin a n-oibrigheann siad. Ní theigheann siad thart o thígh go tígh mar bíonn a lán oibre le déanamh aca.
   Ní dhíolann an táilliúir aon éadach. Tugann na daoine an bréidín isteach chuige agus déanann sé cultacha dhóibh. Siad na gléasanna atá ag táilliúr:- ineall fuaghála, siosúr, méarachán, snáth, snáthad, cailc, agus slat tomhais. Deireann an sean fhocal 'chomh doimhin le méarachán táilliúra'.
   Nuair a bhíonn's an táilliúr ag obair bíonn sé in a shuidhe suas ar an mbord agus a dhá chois crapthe faoi agus é ag fuághál dóibh fein chómh maith is atá sé in ann. Déantar léinteacha as flainnín in gach tigh anois mar sin é an sórt a caithean's na sean daoine. Ceannuightear cuid de'n flainnín sa siopa ach déanann an fígheadóir cuid eile de sa bhaile. Déantar báininí freisin san áit. Ní dhéantar aon léinteacha lín-éadach san áit, ceannuightear cuile ceann aca sin ins na siopaí.
   Cniotáltar stocaí i ngach teach. Déanann cuid de na daoine an snáth. baineann siad an olann de na caoirigh, agus cárdáileann siad é. Annsin casann siad é le túirne agus cniotáltar na stocaí leis an snáth. Nígheann siad na stocaí agus bíonn siad go h-an dheas. Fághann siad a lán dúiseanna le stocaí ag an 'Seó' gach bliadhain. Tá túirne beag i ngach teach sa ceanntar seo mar déanann chuile dhuine snáth agus cniotálann siad stocaí, gansaí, miotógaí, agus seáilíní leis.
   Ní caitheann na daoine aon éadaighe speisiálta ar aon ócáid

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. earraí
      1. éadaí agus suaitheantais (~2,403)

   Teanga

   Gaeilge

   Bailitheoir

   Bairbre Ní Donnchadha

   Inscne

   Baineann

   Aois

   13

   Seoladh

   Roisín na Mainiach, Co. na Gaillimhe