Scoil: Maighros

Ar an leathanach seo

1. Scéal Béaloidis

   

   Roinn Roinn Postáil

   Bhí bean uasal i na comhnuidhe ins an Domhan Thoir uair amháin agus bhí sí an t-saidhbhir. Ag an am sin bhí daoine eile a bhí 'san áit an-bhocht agus bhíodh siad i gcomhnuidhe ag iarraidh déirce uirthi ach ní thiubhradh sí tada dóibh. Lá amháin chuir an bhean seo fios ar chaiptín luinge agus dubhairt leis a dhul go dtí an Domhan Thiar agus lán luinge den rud a b'fhearr a d'fheadfadh sé a fhághail a thabhairt chuici. Cheap an caiptín nach raibh rud ar bith a b'fhearr dó a thabhairt ná lán luinge de chruithneachtan. I gcionn bliadhna d'fhill sé agus an chruithneacht aige. Nuair a chonaic an bhean an rud a bhi aige bhí an olc uirthi mar bhí sí ag súil le rud ionghantach eicint. Ní dhearna sí ach an chruithneacht ar fad a chaitheamh amach sa bhfairrge. Nuair a chonaic an caiptín é seo bhí an-fhearg air agus dubhairt sé go dtiocfadh an lá fós a mhaith le builín aráin a bheith aca. Dubhairt sise nach dtiocfadh an lá go deo. Timcheall seachtmhain i na dhiaidh sin las an teach a raibh sí ann agus las a cuid airgid agus chuile rud. Tar éis tamaill bhí sí níos boichte ná aoinne dá raibh ann.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Maighréad Ní Chúláin

   Inscne

   Baineann

   Seoladh

   Dumhaigh Ithir, Co. na Gaillimhe

   Faisnéiseoir

   Máirtín Ó Cúláin

   Inscne

   Fireann

   Seoladh

   Dumhaigh Ithir, Co. na Gaillimhe