Beithidhigh
Leath-cholpa: leath-cholpa a thugtar ar bheithidheach ó dhá bhliadhain go dtí sé bliadhain.
Colpa: Colpa a thugtar ar bheithidheach trí bliadhna.
Gamhain: Gamhain a thugtar ar bheithidheach bliadhain nó dhá bhliadhain d'aois.
Bó gamhnach: Bó gamhnach a thugtar ar bhó nach raibh aon laoigh aici le bliadhain.
Bó sheasc: Bó sheasc a thugtar ar bhó nach mbíonn aon bhainne ná laoigh aici.
Laoigh: Laoigh a thugtar ar bheithidheach ó bhéarfar é nó go mbíonn siad leath-bhliadhain d'aois.
Sean-laoigh: Sean-laoigh a thugtar ar bheithidheach ó leath-bhliadhain nó go mbíonn siad bliadhain.
Loloigeach: loloigeach a thugtar ar bhó a bhíos tar éis laoigh.
Bó bhleasg: Bó a mbeadh bainne aici ach go mbeadh sí tamall maith tar éis laoigh.
Bó unlaoigh: Bó unlaoigh a thugtar ar bhó atá le h-aghaidh laoigh.
Bridóg: Tugtar bridóg ar bhó nach raibh aon laoigh ariamh aici agus í a bheith an-ghar do laoigh.