Scoil: Maighros
- Suíomh:
- Maíros, Co. na Gaillimhe
- Múinteoir: Séamus de Brún
Tagairt chartlainne
Bailiúchán na Scol, Imleabhar 0010, Leathanach 097
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Maighros
- XML Leathanach 097
- XML “Laethanta Áirithe”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Tá laetheannta áirithe agus is maith leis na daoien thart anseo a dhul ag obair. Is maith le 'chuile dhuine obair a thosughadh Dia Céadaoin ach amháin clann Uí Chonghaile. Ní maith leo tosnú go dtí Dia hAoine agus tugtar "lá chloinne Uí Chonghaile" ar an lá sin. Ní maith le duine ar bith tosnú Diardaoin mar tagann ....áirithe gach seachtmhadh bliadhain agus má dhéanann tú tada nua an lá sin ní bheidh tú beo faoi cheann bliadhna.
'Á gcuirfeá airgead amach Dia Luain bheadh tú ag cur airgid amach an chuid eile den tseachtmhain.
Duine a mbeadh pisreoga aige nuair a bheadh sé ag dul ag déanamh rud nua ar bith choisriceochadh sé é féin agus déarfadh sé "go mbeire muid beo ar an am seo arís". Is maith le duine fataí a bhíos a chur ar Aoine an Chéasta agus beidh fataí nua aca an .....adh lá de Mheithimh.
Is maith le duine a dhul i dteach nua Dia Domhnaigh agus deireann siad an Marbhna Phádraig mar tá sé áthamhail. Má thosuigheann tú ag déanamh obair nua ar bith Dia Luain ní bheidh sé réidh go ceann achair fada. 'Á mbeadh Dia Máirt ag báisteach sé an lá é gur maith leo cabáiste a chur.
'Á mbeadh duine ag dul a' tosnú ar obair ar bith agus bean a chasachtáil dhuit bheadh mí ádh ar an obair sin.(leanann ar an chéad leathanach eile)
- Bailitheoir
- Maighréad Ní Chúláin
- Inscne
- Baineann
- Seoladh
- Dumhaigh Ithir, Co. na Gaillimhe
- Faisnéiseoir
- Máirtín Ó Chúláin
- Inscne
- Fireann
- Seoladh
- Dumhaigh Ithir, Co. na Gaillimhe
