Scoil: Maighros

Suíomh:
Maíros, Co. na Gaillimhe
Múinteoir:
Séamus de Brún

Scag na scéalta

Taifeach: Íseal | Ard
Mná Bána Sheáin Uí Bhriain

Tagairt Chartlainne

Bailiúchán na Scol, Imleabhar 0010, Leathanach 083

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

1.
Ní maith liomsa tada rádh le mná Sheáín Uí Bhriain,
A bhfuil díol mac aodhaire dúthaigh ionnta ar stuaim agus ar chiall
Muinntir bhreágh fiúnntach a raibh rud aca ariamh
Le uachtar, im is cáis is le fághail go fairsing fial.
2.
'Á gcuirtí bád le fána lá gála gaoithe aniar
Ba ghearr uatha biadh agus ánnlaith i n-árus Sheáin Uí Bhriain.
Bhí ba is caoirigh bána aca is airgead á ndíol
Níor mhór liom Eogha na h-áite fhághail do mná bána Sheáin Uí Bhriain.
3.
Ó's shiubhail mise Oileáin Árann a bhí go maith ariamh
Shiubhail mé Co. an Chláir amach ó fairrge go sliabh
'Á dtéighinnse go Grinneal nó chomh fada théigheann an ghrian
Ní bhfuighinn aon mná b'fhearr liom ná mná bána Sheáin Uí Bhriain.
4.
Má théigheann tú go Co. an Chláir amach, is a bheith ag cáineadh Muinntir Bhriain
Ná cluineadh Brian an Ghleanna thú lucht dúthanna agus fíadhach
'Á bhfáighinnse saidhbhreas Sheoirse is scór eile fhághail na dhiaidh
Go mbéarfainn ar bharr láimhe ar mná bána Sheáin Uí Bhriain.
5.
Cailleadh an Diana agus shiubhal sí na seacht ríoghacht; cailleadh Polla, Juno agus Venus a raibh scéimh ortha ó Dhia
'Á bhfaighinnse mo roghann tré chéile is d'fhágainn iad mo dhiaidh
le súil go mbeinn i gcleamhnas
le mná bána Sheáin Uí Bhriain.

(leanann ar an chéad leathanach eile)
Bailitheoir
Micheal Mac an Iarla
Inscne
fireann
Seoladh
Leitreach Ard, Co. na Gaillimhe
Faisnéiseoir
Peadar Ó Iarla
Inscne
fireann
Seoladh
Leitreach Ard, Co. na Gaillimhe
Teanga
Gaeilge