Is as coirce, eorna, seagal nó cruithneacht dá gcuid féin a ghnídís é.
Bhíodh cor mhuilleann thart ach is 'san mbaile meiltí an chuid ba mhó de. Is le bró a mheilidís an grán. Dhá leac iseadh bró a mbíonn poll i lár gach leic aca. bíonn lámh iarainn thíos 'san bpoll sin agus is leis an lámh a chastaoi an leac uachtair ionnus go meiltí an gráinn. De réir mar a bheadh an chloch uachtair ag casadh bheadh an grán meilte a' teacht amach 'chaon taobh.
Bhíodh cineál aráin eile aca freisin a dhéinidís as fataí ar a dtugtaoi bocstí. Seo é an chaoi a ndeinidís é: Thugadh siad leo slám fataí, nighidís is ghlanaidís iad agus ansin bhainidís na craicne díobh. Sgríobadh siad na fataí ar phíosa stáin a mbíodh puill curtha ann le meanaithe agus d'fháisgidís i bpíosa éadaigh é. Uaireannta ní fháisgidís chor ar bith é ach chuiridís an oiread pluir ann is a thriomóchadh é. As