Scoil: An Tulach (uimhir rolla 13148)

Suíomh:
An Tulaigh, Co. na Gaillimhe
Múinteoir:
Tadhg Ó Séaghdha, Máire, Bean Uí Dhuigneáin

Scag na scéalta

Siar
/ 0268 Ar aghaidh
Taifeach: Íseal | Ard
An Caisleán Draíochta

Tagairt Chartlainne

Bailiúchán na Scol, Imleabhar 0062, Leathanach 0250

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

An Caisleán Draíochta Siubhán Ní Churraoin, An Chloich Mhóir Maitiú Ó Curraoin a d'inis
San am fadó bhí caisleán ann agus bhí sé faoi dhraíocht. Mharaigh rí rí eile agus nuair a fuair an dúnmharfóir bás, chuir sé an caisleán faoi dhraíocht. Ní bhíodh an caisleán le feiceáil chor ar bith sa ló ach le titim na hoíche bhíodh sé ann chomh soiléir is a bhí sé an chéad lá riamh.
Bhíodh faitíos ar gach duine a ghabháil an bealach sin le titim na hoíche. Bhí rí ins an áit sin agus thairg sé leath a shaibhris agus a iníon le pósadh don fhear a thógfadh ón draíocht é. Na mílte míle ón áit sin bhí teach agus bhí go leor muirín ann, mac acu seo n raibh a fhios aige céard é faitíos.
Nuair a deireadh buachaillí eile go mbíodh faitíos orthu, d'fhiafraíodh sé díobh céard é faitíos agus ar ndóigh ní raibh éinne in ann é a inseacht dó. Nuair a bhí sé ocht mbliana déag, dúirt sé nach ndéanfadh sé cónaí go bhfaigheadh sé amach céard é faitíos. D'imigh sé leis agus bhí sé ag siúl gach teach ach chinn air freagra a fháil. Cuireadh gach deis air ag iarraidh faitíos a chur air ach chinn ar gach duine.
Lá amháin, bhí sé ag siúl leis mar ba ghnách agus chuaigh sé isteach i dteach ósta. D'fhiafraigh fear an tí dó ar shiúil sé mórán. D'inis an buachaill dó agus an fáth a bhí aige agus ansin d'inis an fear dó faoin gCaisleán Draíochta. Ansin chuaigh an buachaill go dtí an Rí agus

(leanann ar an chéad leathanach eile)
Bailitheoir
Siobhán Ní Churraoin
Inscne
baineann
Faisnéiseoir
Maitiú Ó Curraidhin
Inscne
fireann
Aois
67
Seoladh
An Chloich Mhór Thuaidh, Co. na Gaillimhe
Teanga
Gaeilge