Scoil: An Tulach (uimhir rolla 13148)

Suíomh:
An Tulaigh, Co. na Gaillimhe
Múinteoirí:
Tadhg Ó Séaghdha Máire, Bean Uí Dhuigneáin
Brabhsáil
Bailiúchán na Scol, Imleabhar 0062, Leathanach 0243

Tagairt chartlainne

Bailiúchán na Scol, Imleabhar 0062, Leathanach 0243

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Tulach
  2. XML Leathanach 0243
  3. XML “An Dearg Mór agus Conán Maol”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. (ar lean ón leathanach roimhe)
    ann acht an oiread le aon fear, "adeir sí.
    Lá ar na bhárach troid siad acht chuir Goll thar an snáth mara é agus fuair sé an buadh air.
    Réidhtigh siad suas a gcuid long féin le dhul in éindigh leis an Dearg Mór. D'fhág siad Conán 'na ndiaidh mar bhíodh sé acrannach. Bhí Conán ag dul siar agus aniar le cladach ag caoineadh a chuid dearbráthracha.
    Tháinig bean go dtí é agus d'fhiafruigh sí de cé'n fáth a raibh sé ag gol. Dubhairt sé go raibh a chuid dearbráthaireacha ag imteacht agus nach bhfeicfeadh sé go bráthach iad. Dubhairt sí leis nach bhfeicfeadh go raibh fear thall ag an rí is gurab é an t-ainm abhí air Tuathal. Bhí sé seacht mbliadhna i n-uaimh talmhana gan grian gan gaoth agus níl aon sgréach dhá leigfidh sé nach marbóchaidh sé Éireannach le chuile sgréach. "Seo currach anois dhuit a bhfuil iomradh céad innte agus gan innte acht aon fhear amháin.Nuair a rachas tú anonn tiúbharfaidh tú feistiú lae agus bliadhna uirthí mara bhfanaidh tú ann acht uair a chluig. Craith slám gainnimh uirthí ó na tóin go dtí na ceann agus bheidh tú tháll dhá lá roimh an gcuid eile" adeir sí le Conán.
    "Tá sean-mháthair an ríogh dhá bogadh ins an gcliabhán. Nuair a rachas tú amach ar an bhfairrge cuirfidh tú trí fairrge thart le aon bhuille amháin an dara uair le do dhá láimh chuirfe í dhá fhairrge dhéag thart.
    Chonnaic na Fianna an churrach ag tigheacht agus dubhairt duine aca "Sin é mo dhearbhathair Conán." Dubhairt duine aca nach é. Ce'n chaoí a bhféadfadh sé a bheith ann?
    Bhailigh sé rómpa agus tharraing an churrach suas ar an tráigh agus chuir feisteas lae agus bliadhna uirthí chomh maith agus mara mbéadh sé ann ach uair a chluig.
    Bhuail sé air éadach an Deirg agus a chlaidheamh agus tháinig sé isteach i dteach an ríog. Dubhairt an dóirseóir go raibh an Dearg Mór ar fághail
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Teanga
    Gaeilge
    Bailitheoir
    Mairghréad Ní Chualáin
    Inscne
    Baineann
    Faisnéiseoir
    Tomás Ó Culáin
    Gaol
    Duine gaolta (nach tuismitheoir ná seantuismitheoir)
    Inscne
    Fireann
    Aois
    62
    Seoladh
    Baile na hAbhann, Co. na Gaillimhe