1. dúchas.ie
  2. Bailiúchán na Scol
  3. An Tulach

Scoil: An Tulach (uimhir rolla 13148)

Suíomh:
An Tulaigh, Co. na Gaillimhe
Múinteoirí:
Tadhg Ó Séaghdha Máire, Bean Uí Dhuigneáin
Brabhsáil
Modh:
Bailiúchán na Scol, Imleabhar 0062, Leathanach 0134

Tagairt chartlainne

Bailiúchán na Scol, Imleabhar 0062, Leathanach 0134

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Tulach
  2. XML Leathanach 0134
  3. XML “Oíche Fhéile Mártain”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Oíche Fhéile Mártain

    Roinn Roinn Postáil
    Ba Naomh mór a bhí in Naomh Máirtín. As an bhFrainnc dó. Saighdiúr airm abhí ann i dtús a shaoghail acht ba saighdiúr le Críost abhí ann ar a dheireadh. Bhí sé 'na Easpog.
    Aon lá amháin bhí sé ag siubhal an bóthar agus casadh fear dhó agus ní raibh air ach giobail agus é ag creachadh leis an bhfuacht. Ghlac Máirtín an oiread de truaigh dhó is go ndeárna sé dhá leath dá chlóca is go dtug sé leath do'n bhochtán. Choinnigh an t-éadach sin an fuacht uaidh. An oidhche sin bhí Máirtín ag brionglóidí go bhfaca sé Ár Tighearna is an leath chlóca dhá a thug sé do'n fhear bocht air.
    Tugtar onóir mhór do Naomh Máirtín sa taobh tíre seo agus tarraingeann gach duine fuil in onóir dó. Is roimh an bhféile a tharraingeann gach duine an fhuil mar deirtear nach nglacann Máirtín le aon fhuil a tharrnuightear thar éis an fhéile Naomh Máirtín acht glacann sé lé gach nidh a mharbhuightear dhó roimh an bhféile. Is sean fhocal é "Glacann Mártan chuile shórt roimhe Acht ní ghlacann le aon rud na dhiaidh.".
    Marbhuigheann gach duine caora nó gé nó cearc nó lacha nó rud écint dhó Mhártain agus cuireann an té a mharbhuigheann an rud ar dtús crosóg ar a bhaithis leis an bhfuil is cuireann gach duine annsin den líon tighe crosóg air féin mar a gcéadhna agus deireann siad san am céadna:-
    "Iarraim ar Mhártan Míorbhúilteach muid a thárrtháil is a chur ar ár leas, is go mbeirimíd beó ar Fhéil Mhártain aríst."
    Tras-scríofa ag duine dár meitheal tras-scríbhneoirí deonacha.
    Stair Athraigh
    Topaicí
    1. ócáidí
      1. ócáidí (de réir trátha bliana) (~11,476)
        1. Féile Mártain (~177)
    Teanga
    Gaeilge
    Bailitheoir
    Áine Ní Fhágharta
    Inscne
    Baineann
    Aois
    13
    Seoladh
    Baile na hAbhann, Co. na Gaillimhe