Scoil: Rann na Feirsde (uimhir rolla 15927)

Suíomh:
Rann na Feirste, Co. Dhún na nGall
Múinteoir:
Pádraig Ó Baoighill

Scag na scéalta

Taifeach: Íseal | Ard

Tagairt Chartlainne

Bailiúchán na Scol, Imleabhar 1065, Leathanach 88

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

An Bhainríoghain agus Cailleach na gCearc

Bhí rí agus bainríoghain ann i bhfad ó shoin agus bhí triúr mac agus ingean acu. Fuair an bhainríoghain bás agus annsin cuireadh an triúr mac isteach i dtúr a bhí i bhfad ar shiubhal sa Domhan Thoir. Fágadh an ingean sa bhaile ag an athair. Fá dheireadh phós an rí bean eile agis bhí triúr ingeanach aici. Bhí an t-iomlán acu go h-olc do'n leas-ingean. Achan lá chuirfidh ar shiubhal an leas-ingean le mála bidh chuig na bochta ach ní do na bochta a bhí sí ag tabhairt an bídh, is do na cuid dearbhrathaireacha a bhí sa túr san Domhan Thoir.
Lá amháin chuaidh an bhainríoghain síos go dtí tobar uisce. CAsadh Cailleach na gCearc uirthi agus d'innis sí do'n bhainríoghain nach rabh an leas-ingean ag roinnt an bhídh ar na bochta i n-aon chor. Dubhairt an bhainríoghain go gcuirfeadh sí bean de na cuid ingeanach dhéin léithe an darna lá agus go mbéadh fhios aici annsin caidé bhí sí a dhéanamh leis an bhiadh.
Nuair a thainic an leas-ingean chuir an bhainríoghain ceist uirthi an rabh sí ag roinnt an bhídh ar na bochta. Dubhairt an cailín go rabh cinnte. Lá ar na bhárach nuair a bhí sí ag imtheacht cuireadh duine de na cailíní eile léithe. Nuair a bhí siad giota maith ar shiubhal casadh crann ubhall ortha. D'iarr an leas-ingean uirthi ubhla a ithe, ubhla...

(leanann ar an chéad leathanach eile)
Faisnéiseoir
Róise Ní Dhubhthaigh
Inscne
baineann
Aois
82
Seoladh
Rann na Feirste, Co. Dhún na nGall
Teanga
Gaeilge