1. dúchas.ie
  2. Bailiúchán na Scol
  3. Leac Chonaill

Scoil: Leac Chonaill (uimhir rolla 14890)

Suíomh:
Leac Chonaill, Co. Dhún na nGall
Múinteoir:
Séamus Mac Grianna
Brabhsáil
Modh:
Bailiúchán na Scol, Imleabhar 1047, Leathanach 379

Tagairt chartlainne

Bailiúchán na Scol, Imleabhar 1047, Leathanach 379

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: Leac Chonaill
  2. XML Leathanach 379
  3. XML “Seanscéal Gaeilge”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Seanscéal Gaeilge

    Roinn Roinn Postáil
    Bhí fear na chomhnidh i ngleann Colmchille fa thuairim cheithre scór bliadhain ó shoin a rabh Ned Ó Gára mar ainim air. Bhí an ealadhain dhubh aige. Bhí sé amach Bhaile 'n Droicheid lá amháin, agus muc le díol aige. Cheannaigh fear as Árdaratha an mhuc uadh. Dubhairt Ned Ó Gara le clannachair na muice coimhead agus gan í a thabhairt treaona thar uisge ar bith. Nuair a bhí an fear seo ar a bhealach na bhaile bhí aige le dul treaona ar shrúian. Nuair a chuadh an mhuc isteach san uisge dimigh sí as amharc, agus ní rabh le feiceil ag an fhear ach buachallan buidhe ag imtheacht síos leis an tsruth.
    Phill an fear arais go Baile 'n Droicheid, ag cuartú an fhir a dhíol an mhuc leis. Nuair a chonnaire sé Ned Ó Gara, rith sé annsair go feargae, agus rug greim sgiathain air. Dimigh Ned Ó Gara agus d'fhág sé an sgiathan ag an fear. Bhí fear Árdartha comh sgannrughthe sin gur imigh sé na bhaile, agus níor amharc sé ní ba mhó fa luach na muice.
    Bhí Ned Ó Gara lá eile ag deánadh poitín in a thach féin. Tháinig comhursa isteach agus dubhairt go rabh lucht an Revenue ag teacht aníos faoi an trath. ''Ma tá, tarraidh'' arsa Ned. ''Ní bhéid dadaidh le feiceil acu anseo a dhéanfas dochair ar bith.''

    Nuair a thaime lucht an Revenue isteach, in áit sull agus dabhach agus gléasairí eile sullearachta, chonnaic siad pota agus treasal agus toban, agus sothigh mar béad' le feiceil gcisunigh ar bith. D'imigh lucht an Revenue arais mar thaime siad.

    Tógadh an scéal seo fa Ned Ó Gara as coip leabhar Chrochuir Mhic Grianra. Fuair Crochuir an scéal ó Phádraic Ó Gallachobhair atá na chomhnidh i leac Chonaill, Árdaratha agus chualaidh Pádraic an scéal ag na uncal Proinsias Ó Gallachobhair a fuair bás in 1924. Bhí sé suas le 90 bliadhna de aois nuair a fuair sé bás.

    Smeg- 26/01/1938.
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Stair Athraigh
    Teanga
    Gaeilge
    Bailitheoir
    Crochur Mac Grianna
    Inscne
    Fireann
    Faisnéiseoir
    Pádraic Ó Gallachobhair
    Inscne
    Fireann
    Seoladh
    Leac Chonaill, Co. Dhún na nGall