Scoil: An Mhálainn Bheag (uimhir rolla 14119)

Ar an leathanach seo

1. An Fear Beag Tarnochta a Bhí ag Bualadh an Choirce

   

   Roinn Roinn Postáil

   Ins an am fadó shochruigh duine de lucht leanmhana an dara Riogh Sheámuis i Málainnmóir. ‘Hamilton’ an [sloinnea]? a bhí air. Fan am atá me ag dul a innse an scéil seo ní rabh sa teach acht ‘Hamilton’ agus a bhean céile. Bhí teach cionn tuigheadh acu ar thaobh amháin de’n bhealaigh mhóir ( an teach a rabh siad na gcomhnaidhe ann) agus bhí boitheach mór agus sciobal os a cheann ar an taobh eile os cionne an toighe.
   Tráthnóna geimhridh amhain bhí Hamilton ag dul suas dréimire na sciobal le dul a buaileadh coirce do na buaibh. Bhris rung sa dreimire. Thuit sé agus briseadh cnamh a slinneana. Chuala a bhean an truisneach agus rith sí amach agus fuair sí é na luighe i gcnap laige ag bun an dreimire. Scairt sí ar duine de na comhursac aibh agus d’iomcar siad isteach na toighe é. Thainic fear tuigseach isteach agus coiruighadh an slinneán agus cuireadh na luighe é.
   An oidhche sin bhí siad ag cainnt eatorra fhéin goide dheánfadh siad nuair nach rabh duine ar bith acu an choirce a bhualadh agus ní rabh sí féin ábulta sin a dheánamh. Le sin chualaidh siad an tarman beag amuigh ins an sciobal mar bhéadh. Duine eighinteacht ag bualadh coirce. D’eist siad tamall beag agus bhí fíos aca nach bréag a bhí ann. Bhí barraidheacht eagla ar bhean Hamilton a dul amach an oidhche sin ag amharc go goide bhí ann, acht go luath lathair na bharach bhí sí amuigh agus nuair a chuaidh sí ‘na sciobail fuair sí go leor

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Anna Morra

   Inscne

   Baineann

   Aois

   75

   Seoladh

   Málainn Mhóir, Co. Dhún na nGall