Scoil: Árd an Rátha (uimhir rolla 1733 or 12242)

Ar an leathanach seo

1. Séamus agus a Bhean

   

   Roinn Roinn Postáil

   Bhí fear (ann) agus bean ann i bhfad ó shoin. Sighle an t-ainm a bhí ar an mhnaoi agus Séamas ar an fhear. Bhí mac amháin aca agus nuair a d'éirigh sé mór chuaidh sé go Sasain. Bhí sé 'na chomhnuidhe ag an Rígh ag obair dó. Annsin thuit sé isteach le inghean an Righ. Dubhairt an Righ nach bpósfadh sé a inghean go bhfeicfead é féin caidé 'n cineál tighe a bhí ag a bhunadh i nÉirinn.

   Chuir an Rí beirt fhear anonn go hÉirinn ar dhá chapall agus nuair a tháinig siad isteach an tighe bhí póta [pota?] préata ar an teinidh. Bhí gabhar bán ar taobh an tighe, bhí gabhar dubh ar an taobh eile. BhI Síghle na suidhe ar leic na teineadh agus bhí an teach an salach agus dubh. Thóg an fear na préataí agus chaith sé amach an t-uisge, aníos leis agus chaith na préataí i nucht na mná agus thoisigh siad ag ithe. Chuaidh an fear síos leis an dreisiúr agus fuair sé dhá bhamhall bláthaighe agus d'ól siad é.

   Annsin thigeadh an gabhar bán fhad leis na préataé agus thigeadh an gabhar dubh na dhiaidh. Nuair a bhí siad réidh chuaidh an fear amach agus bhí poll beag uisge taobh amuigh de'n doras agus nigh sé a lámha agus thriomuigh sé iad in a chóta a dhruim. Amach leis an dá fhear agus ar shiubhal leobhta. Nuair a chuaidh siad isteach i dteach an Righ dubhairt siad "ar a ndul isteach an tighe dúinn bhí siad ag ithe ar thabla an dheas agus bhí dubh agus bán ag fanacht ortha. Nuair a bhí siad réidh nigh an fear a lámha i méis óir a ba deise dá bhfaca sinn ariamh. Annsin thriomuigh sé a lámha le héadach síoda" Creid an Rí iad agus pósadh an lánamhain.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT1455: The Hard‑hearted Fiancée

   Teanga

   Gaeilge

   Bailitheoir

   Cáit Ní Sheibhlin

   Inscne

   Baineann

   Aois

   c. 11

   Seoladh

   Tullycleave Beg, Co. Dhún na nGall