Scoil: Brackey (uimhir rolla 3500)
- Suíomh:
- Breacaigh, Co. Dhún na nGall
- Múinteoir: Pádraig S. Mac a' Ghoill
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Brackey
- XML Leathanach 179
- XML “Scéal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
Scéal
“Thainig triur ban as Gleann-Cuilim-Cille uair amháin fhad le h-Aonach i nÁrd a' Ráth, agus ní rabh siad i nÁrd a' Ráth ariamh aroimhe.”
Thainig triur ban as Gleann-Cuilim-Cille uair amháin fhad le h-Aonach i nÁrd a' Ráth, agus ní rabh siad i nÁrd a' Ráth ariamh aroimhe, bhí siad a siubhal leobhtha go dtí go rabh siad ar an Bhreacaigh. Bhí muilleann san am sin ar a Bhreacaigh. Nuair a chonnaic siad an muilleann dubhairt bean aca go rabh an t-ádh ortha i gcómhnuidhe. “Sin tear”, arsa sise, turas (naomhtha) no nach bhfeiceann sibh an chros naomhtha a’ dul thart. Rachaidh muid siar go siubhailidh muid an turais”. Siar leobhtha agus dubhairt siad a n-urnaighthe ag an muilleann.
“Caithfidh muid”, arsa bean aca, póg a thabhairt de’n chrois. Chuaidh duine aca isteach i dtoiseach a thabhairt an phóg de’n chrois, acht thainig an rotha uirthí sa béal agus níor fhág sé fiacal ann a cárr, nar bhris sé, agus bhí an fhiul a tuitem léithe. Chraith sé lámh ar an chuid eile, agus d’iarr ortha fanacht amach no narbh é an cross naomhtha a bhí ann cor ar bith acht crann tochairte an diabhail.
Chuaidh siad anonn annsin a’ tarraingt ar an aonach. Chuaidh siad annsin go mullach Dhruim Bearrthainn agus dubhairt siad nach rabh gar daobhtha a dhul in aonaigh go dtéidheadh an t-aonach fa shuaimhneas. Ní rabh an t-aonach a’ socrughadh. Bhí daoine a’ dul soir, agus daoine a teacht anoir. Mhar sin go rabh an mheadhon oidhche ann agus bhí an triur bhan ar mhullach a chnuic rith an ama.
(Críoch)