Scoil: Gaoth Sáile (uimhir rolla 12958)

Suíomh:
Gaoth Sáile, Co. Mhaigh Eo
Múinteoir:
Sorcha, Bean Uí Ghamhnáin

Scag na scéalta

Taifeach: Íseal | Ard
An Maistreadh

Tagairt Chartlainne

Bailiúchán na Scol, Imleabhar 0132, Leathanach 320

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Tá cuinneóg againn sa mbaile agus níl sé againn ach lé cúpla mí. Deanann mo mathair an maistreadh agus oibrigheann sí an loinithe timcheall i bhfáinne. Má thagann stroinséar isteach le linn an maistreadh a bheith ghá déanamh, buaileann seisean greas ar an maistreadh mar tá sé de phisreóg ag na daoine muna ndéanfadh sé sin sguabhfadh sé im na bliana sin leis.
Uaireannta cuirtear marc eicint leis ar tón na cuinneóige. Cuireann cuid de na daoine cros beag air agus cuireann cuid eile an data ar a bhfuair siad an chuinneóg air. Bíonn maistreadh á deanamh ar feadh tuairim is leath-uair a chluig.
Bionn fíos againn go bhfuil an t-im a teacht ar an mbainne nuair a fheicimíd na grainne beaga d'im air. Nuair a bhíonn mo mháthair ag dul ag nígheadh na h-ime sé an céad rud a dhéanann sí ná a lámha a sgóladh go idtreo is nach greamócadh an t-im dóibh. Nígheann sí an t-im in uisge fuar agus bíonn sí á nígheadh nó go bhfeiceann sí an t-uisge glan gan aon bhainne air. Annsin deanann sí suas é in a rollaibh deasa.

(leanann ar an chéad leathanach eile)
Bailitheoir
Máire Ní Ghamhnáin
Inscne
baineann
Faisnéiseoir
Máire Bean Uí Chonmhachain
Gaol
ní fios
Inscne
baineann
Aois
80
Gairm bheatha
múinteoir
Seoladh
Gaoth Sáile, Co. Mhaigh Eo
Teanga
Gaeilge