Scoil: Rusgaigh (2) (uimhir rolla 10949)

Suíomh:
Rúscaigh, Co. Mhaigh Eo
Múinteoir:
Eibhlín Ní Chorraidhe

Scag na scéalta

Taifeach: Íseal | Ard
Rusgaigh (2) | Bailiúchán na Scol

Tagairt Chartlainne

Bailiúchán na Scol, Imleabhar 0108, Leathanach 163

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

(ar lean ón leathanach roimhe)

3. Is ceart an cónra a thabhairt isteach is amach arís gan a iompó.

4. An té a chuireann suas na braitlíní nó na cuirtíní san áit a mbíonn an corp ar chlár, is cóir don duine sin an maisiú go léir a stracadh anuas sula dtógtar an corp amach as an teach.
5. Ba nós é sa tseanaimsir na mná go léir a bheith ag olagón is ag caoineadh an mhairbh ó d’fhágadh an cónra an teach go sroistí an reilig. Bhíodh mná áirithe seachas a chéile a raibh ceird an chaointe ar fheabhas acu, agus chuireadh muintir an duine mhairbh fios ar na mná seo le ‘caoineadh’ a dhéanamh ag an tsochraid. Gaileog sa mbreis d’uisce beatha a gheibhidís mar thuarastal as ucht a gcaointe. Dá liacht iad na mná caointe ag an tsochraid b’amhlaidh ba mhó measa a bhí ar an marbh. Bean Sheáin Uí Mhurchú as Cluain Déise a rug an chraobh le caoineadh sa gceantar seo.
6. Má thagann bás obann ar dhuine deireann na seandaoine gur ‘thug na sióga leo é’.
7. Ní ceart do dhuine dul abhaile ina aonar ó thórramh.
8. Ní ceart an luaithreach a chur amach as an tine a fhaid is a bhíonn an corp sa teach.

(leanann ar an chéad leathanach eile)
Teanga
Gaeilge