Scoil: Caisleán na hÉille (The Neale)

Ar an leathanach seo

1. Och, Gan Mé Thiar

   

   Roinn Roinn Tvuít

   "Och, gan mé thiar."

   Bhí fear fadó i gCo. Mhuigheó agus phós sé bean as Iar-Connachta. Ní raibh lochta ar bith le fágháil aice i dtosach acht ba ghearr a bhí siad pósta nuair a thosuigh sí ag dul amach ag binn a' tighe chuile trathnóna ag leigint osna agus ag rádh: "Och, gan mé thiar, och, gan mé thiar", i roth is go gcloisfidh a fear í.
   Sa deireadh, d'éirigh sé an-tuirseach le bheith ag éisteacht léi agus d'éirigh sé go moch aon mhaidin amháin agus ghléas sé é fhéin agus chuaidh sé siar chomh fada le teach a muinntir. Céard a bhí ann acht sean-botháinín salach. An tsean-bhean, na cearca, agus na gabhair in a gcodladh le chéile in aon seomra bheag amháin.
   Tháinig sé ar ais abhaile. Níor leig sé air fhéin cé'n áit a raibh sé imthighthe acht nuair a chuaidh sí amach ag binn a' tighe arís, chuaidh sé amach in a diaidh ag déanamh aithrise uirthi agus ag magadh fuithi agus rinne sé an rann seo:
   Och, gan mé thiar, och, gan mé thiar,
   In áit a bhfuil an gabhar ar iall
   Ceann na caillighe ar a stoca
   Agus coc na circe ar a giall.
   Ba leor é sin dí agus mise i mbannaibh nár chuala aoinne "och gan mé thiar" as a béal arís an fhaid

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Úna Nic Bháird

   Inscne

   Baineann

   Seoladh

   Baile Uí Ruairc, Co. Mhaigh Eo

   Faisnéiseoir

   Pádraig Mac An Bháird

   Gaol

   Tuismitheoir

   Inscne

   Fireann

   Aois

   76