Number of records in editorial history: 1
senior member (history)
2018-05-26 21:43
approved
rejected
awaiting decision
Chuala muid ar fad trácht ar Cholm Cille. Tá tobar beannuighthe leis thiar ar an mBánrain i n-aice leis an roilig. Tobar beannuighthe is eadh é agus bíonn daoine ag tabhairt turais ann an naomhadh lá de Mheitheamh, sin é lá Colm Cille, agus bíonn pátrún againn i n-ónóir.
Na daoine a bhíonn ag tabhairt turas téigheann siad seacht n-uaire timcheall ar an tobar agus iad cos-nochtuighthe agus caithfidh siad a theacht trí lá chuig an tobar sul mhá bhíonn an turas críochnuighthe aca.
Tá tobar beag beannuighthe eile i n-aice le Tobar Cholm Cille agus tugtar turas ann freisin.
Tá cloch chruinn ins an tobar beag sin agus bíonn iasg beó istigh fúithi agus bíonn sgiatháin ortha. Níl siad cosamhail le iasg na fairrge ná iasg ar bith. Iasg beannuighthe iad sin agus caitheann na daoine biadh chuca nuair a bhíonn siad ag dul thart ar an tobar.