I
Anois teacht an Earraigh beidh an lá dul 'un shíneadh.
A's tar éis na Féil Brighíde ardóchadh mo sheól.
Ó chuir mé in mo cheann é ní stopfaidh mé choidhche.
Go seasfhaidh mé síos i lár Chonndae Mhuigheó
I gClár-Cloinne Mhuiris bhéas mé an chéad oidhche
'S i mbaile taobh thíos de thosóchadh mé ag ól.
Go Coillte-Mach rachad go ndeanfaidh cuairt míosa ann.
I bhfoghas da mhíle go Béal an Áth'Mhóir

II
Fágaim le h-uadhachta go n-éirígheann mo chroidhe-se
Mar éirigheas an ghaoth no mar sgapas an cheó.
Nuair smuaínighim ar Chearra a's ar Ghaillin taobh shíos de.
Ar Sgeatach a' Mhíle no ar phlaínéad Mhuigh-eo
Cill Aodáin an baile a bhfásann gach nídh ann.
Tá sméára 's subh-craobh ann as meas ar gach sórt.
'S dá mbeínn-se 'mo sheasamh i g'ceart-lár mo dhaoine.
D'imtheóchadh an aois díom agus bhéinn arís óg.