School: Cromadh (B.)

On this page

1. An Scoláire Bocht

   

   Share Share Post

   baintreabhach bocht dá raibh ann uair amháin agus muirear throm uirthi. Nuair a bhí an duine ba shine dhiobh na ghearóideach (mar sin labhair sé :- gearrbhodach) bhreagh láidir, dubhairt sé le n a mhaithrín narbh rud a bfhearr leis ná bheith na sgoláire bhocht. Dubhairt sí seadh agus rug an gearóideach ar a chuid leabhar agus as go bráth leis is é na cosaí buinne (cosnochttha) nó gur srois sé teach mór an duine uasail a bhí na chomhnuidhe san áit sin. Suas leis go dti an doras mór agus bhuail sé cnag, cnag air. Cé thiocfadh amach ach an duine uasal féin. Dubhairt an gearóideach leis gur sgoiláire bocht é féin agus d'iarr sé cabhair éigin ar an nduine uasal. Dubhairt sé sin go dtuibhradh sé a mbea (dá mbeadh) sé ábalta innsint do céard a bhí Mac Dé ag déanamh an bóimeat sin. Do chrom ceann an ghasúir bhoicht go fóil agus nuair d'éirigh sé díreach d'innis sé do'n duine uasal ná raibh sé abálta air. D'iompuigh an duine uasal ar a sáil is chuaidh sé isteach is dhun sé an doras. D'iompuigh an sgoláiare bocht leis, ach ní trí céime a thug sé nuair a chas arís ar an doras agus bhuail sé cnag, cnag, cnag go dian air. D'osgladh é agus bhí an duine mór ann arís. "Gabhaim párdún agat is mé ag teacht comh luath arís" arsá'n sgoláire bocht "ach tá fhios agam anois céard atá Mac Dé ag déanamh anois an bóimeat so." "An eadh" arsa'n duine uasal "agus céard atá Sé ag déanamh". Tá Sé ag casadh roithe" arsa'n Sgoiláire bocht. "Ag casadh roithe,? arsa'n duine uasal "agus tuige go bhfuil Sé á dhéanamh sin nu cad é an chiall a bhaineanns leis an ngno sin?" Tá a

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   An Connachtach Fánach

   Gender

   Male