School: Gurrane (B.) (roll number 14839)

On this page

1. Scéal (continued)

   “Bhí fear na cómhnuidhe i gCluaindroichead fadó agus Sean a Scota a bi mar ainm air.”

   

   Share Share Post

   (continued from previous page)

   Seán thuille. I gcionn cupla seachtmhain do tháinig Seán go dtí an sagart agus dubhairt sé leis, an mallacht do bhaint díobh airís ná raibh aon suaimhneas aige ó cur sé ortha.

   

   Transcribed by a member of our volunteer transcription project.

   History Edit

2. Scéilín

   

   Share Share Post

   Bhí fear bocht tímcheall na mball so alán bliadhanta ó shoin. Diarmuid a' Stoca an ainm a bhí air. D'fhanadh sé i dtighthe na bhfeirmeóirí mar do choimeadaidís é. Bhí sé mar sin i dtigh feirmeóra oidhche agus bhí stáisiún le bheith sa tigh ar maidin lár na mháireach. Nuair thánaig an sagart ar maidean bhí Diarmuid le h-ais na teine mar bhí an mhaidean go glas. D'fhiafruig an sagart d'fhear an tíghe cé'r bhé Diarmuid agus d'innis sé dho. D'órduigh an sagart é chur amach agus dubhairt fear a' tíghe leis dul isteach i dtigh na móna agus suidhe síos ann do féin. Ní deirtear go ndubhairt Diarmuid aon nídh. Ach ar ball nuair a bhí an sagart ullamh chun Aifrinn dubhairt sé le fear a' tíghe. "Téidhfir amach agus abair leis an bhfear san teacht isteach go dtí t-Aifreann".
   Chuaidh an fear amach agus dubhairt sé le Diarmuid go ndubhairt an sagart leis dul isteach go dtí an t-Aifreann. Sé seo an freagra a thug Diarmuid air:-
   Má tá an t-Athair Mhac chómh tarcuisneach leis an eaglais
   Níl brígh nár ngnó,
   'S ní fearra dhúinn an t-Aifreann
   Ná suidhe ar a' móin."
   I mball eile deirtear gur b'é Eóghan Ruadh Ó Súilleabháin adubhairt é agus gur b'é a bhí ann.

   

   Transcribed by a member of our volunteer transcription project.

   History Edit