School: Béal Átha an Ghaorthaidh, Maghcromtha

Location:
Ballingeary, Co. Cork
Teacher:
Gobnait, Bean Uí Liatháin

Filter stories

Back
/ 202 Forward
Resolution: Low | High
Bealoideas - Scéal

Archival Reference

The Schools’ Collection, Volume 0338, Page 160

Image and data © National Folklore Collection, UCD. See copyright details »

On this page

Máire Ní Liatháin, Goirtín Fliuch. Aois – Trí bliana déag
30-6-’38
Béaloideas – Scéal
Bhí beirt sagart i gcoláiste fadó. Thiteadar amach lena chéile agus bhí gráin acu dá chéile. Do cailleadh duine acu agus bhí sé leagtha amach ar an mbord. Bhíodh sé mar nós acu ná fanadh suas ach aon sagart amháin ar an dtórramh. Do tharla gurb é an sagart a bhí mar namhaid aige a chaith fanúint suas. D’iarr sé sin ar shagart eile fanúint ’na theannta go maidin. Do dhein agus shuigh sé in aice na tine agus bhí sé ag lé’ leabhair.
Bíonn an chailís agus a béal fúithi anuas ar chroí an tsagairt nuair a bhíonn sé á thórramh. Amach i lár na hoíche do labhair an sagart a bhí ar an mbord agus duairt:- “Bain díom an t-ualach seo.” “Tógfaidh mé,” arsa an sagart a bhí mar namhaid aige. “Ná dein,” arsa an sagart eile. Do labhair an sagart ar an mbord an tarna huair agus duairt sé leo arís an t-ualach a bhaint de. Do thóg an chéad sagart de é ansan. Ní túisce a bhí sé bainte dhe ná gur léim sé den mbord agus chuadar araon in achrann ar a chéile agus ní fhaca éinne beo ná marbh iad riamh ó shin.

Collector
Máire Ní Liatháin
Gender
female
Age
13
Address
Gurteenflugh, Co. Cork
Language
Irish