School: Béal Átha an Ghaorthaidh, Maghcromtha

Location:
Ballingeary, Co. Cork
Teacher:
Gobnait, Bean Uí Liatháin

Filter stories

Back
/ 202 Forward
Resolution: Low | High
Béaloideas - Scéal

Archival Reference

The Schools’ Collection, Volume 0338, Page 093

Image and data © National Folklore Collection, UCD. See copyright details »

On this page

Máire Ní Chríodáin, Oileán Aibhneach. Aois – Dhá bhliain déag
2-3-’38
Béaloideas –Scéal
Do bhí fear in Eirinn fadó agus do bhí sé ana-shaibhir. Do bhíodh eagla air i gcónaí go ndéanfaí an t-ór do ghoid uaidh. Do bhíodh firín beag macánta ag obair don bhfear saibhir sin agus d’iarr sé ar an bhfirín beag aire a thabhairt don ór. Do chuir an firín beag an t-ór isteach i bpróca. Rug sé an próca leis go dtí an gleann agus do chuir sé i bhfolach i bpoll fé thalamh é.
Nuair a chonaic an fear saibhir cad a bhí déanta aige do chuir sé fé gheasa é an t-ór do chosaint i rith a shaoil, agus i ndiaidh a bháis, agus tá leipreacháin sa ghleann ó shin ag tabhairt aire don ór.
Dob é sin an chéad leipreachán, ach nuair do chuala daoine eile an scéal do chuireadar féin a gcuid óir fé thalamh agus leipreachán dá fhaire. Sin mar a tharla go bhfuil leipreacháin i ngleannta na hÉireann.

Collector
Máire Ní Chríodáin
Gender
female
Age
12
Address
Illauninagh West, Co. Cork
Language
Irish