School: Béal Átha an Ghaorthaidh, Maghcromtha

On this page

1. Béaloideas - Scéal

   

   Share Share Post

   Bhí óganach breágh, dathúil i na chomhnuídhe cois fairrge fadó riamh. Ba bhéas leis eirighe go moch gach maidean Domhnaigh agus dul go dtí an chéad Aifreann. Nuair a thagadh sé abhaile annsan, thugadh sé tamall de’n lá ag suidhe ar fhailltreacha na fairrge.
   Domhnach áirithe agus é ar bharr faille mar sin, do-chonnaic sé uaidh síos ‘na suidhe ar chloich an bhean ba bhreághtha dár luigh súil duine riamh uirri. Bhí ceann breágh fionn-rua gruaige uirri, go raibh scáil an óir ins gach dlaoí dhí, agus í ar sileadh síos go talamh leí. Ag cíoradh a cinn fé'n ngréin a bhí sí agus ní raibh a fhios ag an óig-fhear cérbh' í nó cad ab as í, mar isé a drom a bhí leis; agus na theannta san bhí brat draoidheachta tímcheall uirthi.
   Dhein sé síos fé na déin, mar chuimhnigh sé gur minic d'airig sé trácht ar an murbhach agus nách foláir nó gurbh í a bhí ann. Déaluigh sé ar a bhairricíníbh laistiar di agus sciob an brat draoidheachta dá slinneánaibh anuas.
   D’fhiafhruigh an t-óig-fhear de’n mhurbhach annsan an dtiocfhadh sí leis agus é phósadh.
   “Tiocfad,” ar sise, “má's dáiríribh duit – níl aon dul as agam anois, is dócha agus mé gan mo bhrat.” Bheir sé leis abhaile í agus chuir sé an brat fé ghlas.

   (continues on next page)

   

   Transcribed by a member of our volunteer transcription project.

   History Edit

   Topics

   1. agents (~1)
      1. supernatural and legendary beings (~14,864)
         1. mermaids (~305)

   Language

   Irish

   Collector

   Máire Ní Críodáin

   Gender

   Female

   Age

   13

   Address

   Drom an Ailigh, Co. Cork