School: Inis Cléire, Dún na Séad

On this page

1. Bean an Ghalair agus Iasacht Léine

   

   Share Share Post

   Bhí bean ann fadó agus aicíd uirthi agus ní raibh aon rud a déanamh aon leigheas di. Dubhrathas léi dul go dtí bean ná beadh aon rud ar saoghal ag déanamh buartha di ná aon trioblóid uirthi agus léine d'fháilt ar iasacht uaithi agus go leighisfeadh an léíne í. Bhí san go maith agus bhí sí ag machtnamh di féin cé hí go raghadh sí chuici chun an léine d'fháilt uaithi. Chuimhnigh sí annsan ar bhean gur tuigeadh di dar léi ná raibh aon easnamh ná aon trioblóid sa tsaoghal uirthi, ná aon ruk a' déanamh aon bhuaidreamh di.
   Chuaidh sí ag triall uirthi agus innis sí a cás di chun go leigheasfeadh sé í, mar dubhradh lei gur óna leirhéid go raibh leigheas le fáil. D'innis an bhean eile a sgéal féin annsan ach d'iarr sí uirthi gan aon rud a rádhmar gheall air go dtí go mbeadh sí féin is a fear marbh.
   Seo mar d'innis sí: "Bhíos annso", ar sí,"agus bhí Cáirdeas Críost liom ar an mbaile agus ní raibh aon lá ná tagadh sé isteach is dearguíodh sé a phíp is tugadh sé an phíp le nól dom. Lá tháinig m'fhear féin isteach is mé ag ól na pípe uaidh. Níor dhein sé ach déanamh ar thuaigh a bhí ann is do bhuail sé an Cairdeas Críost is do mhairbh sé é. Tá sé curtha annso fé lic a' tinteáin is níl fhios ag aoinne dá mhaireann cá bhfuil sé. Is mo thrioblóid-se féin ná do thrioblóid-se , cé ná measann aoinne gur mar sin atá.
   Bhailigh: Seósamh O Drisceoil, Cnocán na mBairneach.
   Fuair seisean ó: Finghinn ó Drisceoil, Cnocán na mBáirneach.

   

   Transcribed by a member of our volunteer transcription project.

   History Edit

   Topics

   1. genre
      1. belief (~391)
         1. folk belief (~2,535)
   2. activities
      1. medical practice
         1. folk medicine (~11,815)

   Language

   Irish

   Collector

   Seósamh O Drisceóil

   Gender

   Male

   Address

   Cnocán na mBairneach, Co. Cork

   Informant

   Finghinn O Drisceoil

   Gender

   Male

   Address

   Cnocán na mBairneach, Co. Cork