School: Inis Cléire, Dún na Séad

On this page

1. Drom an Uair agus Tógáil na nDaoine (continued)

   

   Share Share Post

   (continued from previous page)

   Annsan sgaoileadh amach í agus togha fir Oileán Cléire ag faire uirthi. Bhí sí trí lá gan uisge a dhéanamh. Ar aghaidh léi an tríomhadh lá go bruach na faille agus b’shin an chéad uisge a dhein sí. Fuaireadh é agus do sábhaileadh an bhean.

   

   Transcribed by a member of our volunteer transcription project.

   History Edit

2. Scéal Eile mar gheall Orthu

   

   Share Share Post

   Bhí beirt bacac i gCléire fadó. Tadhg Mór ÓSíothcháin a bhí mar ainm ar duine aca. Do bhí duine aca ag gabháil le Dream an Uair ó Chiarraighe agus Tadhg Mór ag gabháil le Dream an Uair ó Chorcaig.
   Do chuaidh an bacach Tadhg Mór abhaile chuig a mhuintir tráthnóna agus dubhairt leó, “Anocht ar an gcnocán sin thall,” ar seisean, “a throidfear an troid is mó dár troideadh riamh i gCléire. Má bhuadhann mo thaobh-sa, beidh dhá chos agam-sa amáireach, agus gan aon chos ar an duine eile.” "Go deimhin, a Thaidhg,” ar sa athair, "ní fhágfaidh tusa an áit seo anocht.”
   Idir a athair agus a mháthair a chodail sé an oidhche sin. Ach nuair a dhúisigheadar ar maidin bhí Tadhg imthighthe. Ghabhadar amach agus chonnacadar Tadhg ar an gcnocán gan briseadh ná brúghadh air ach é slán folláin agus dhá chois air ag rinnce. Roimhis sin glaodhtaí “Cnocán an Tobair” air, ach ó shoin i leith glaodhtar “An Iomaire Ruadh” ar an gcnocán san.

   

   Transcribed by a member of our volunteer transcription project.

   History Edit

   Topics

   1. agents (~1)
      1. supernatural and legendary beings (~14,864)

   Language

   Irish

   Collector

   Mairéad Ní Síothcháin

   Gender

   Female

   Address

   Lios Ó Móine, Co. Cork

   Informant

   Tomás Ó Síothcháin

   Gender

   Male

   Age

   56

   Address

   Lios Ó Móine, Co. Cork